1.2.2. Uimhriú na ngníomhartha

Cé is moite de chomhaontuithe agus ceartúcháin idirnáisiúnta, sannann Oifig na bhFoilseachán uimhir uathúil do gach gníomh agus do gach téacs eile.

Is í Oifig na bhFoilseachán a shocraíonn an t-uimhriú.

Cé is moite de chomhaontuithe idirnáisiúnta agus de cheartúcháin, cuirtear uimhir le gach gníomh agus le téacsanna eile. Is uimhir shainiúil í sin agus is cuid den teideal í nó cuirtear ag deireadh an teidil í i lúibíní cearnacha. Léiríonn sí freisin uimhir na hIrise Oifigiúla ina bhfuil an gníomh nó an téacs eile foilsithe.

Uimhriú

Is san ord seo a leanas a luaitear uimhriú an ghnímh:

  • giorrúchán a sheasann don réimse agus é idir lúibíní: (an tAontas Eorpach), ‘Euratom’ (an Comhphobal Eorpach do Fhuinneamh Adamhach), ‘AE, Euratom’ (an tAontas Eorpach agus an Comhphobal Eorpach do Fhuinneamh Adamhach), ‘CBES’ (an Comhbheartas Eachtrach agus Slándála),
  • tagairt do bhliain an fhoilsithe: ceithre dhigit,
  • an uimhir sheicheamhach a shanntar, bunaithe ar sheicheamh bliantúil, agus ina mbíonn an oiread digití agus is gá.

(réimse) BBBB/U

NB:

I gcás gníomhartha áirithe, ní áirítear fearann leis an uimhir arna sannadh ag Oifig na bhFoilseachán agus cuirtear i lúibíní cearnacha í ag deireadh an teidil. Ní mheastar gur cuid den teideal í an uimhir sin agus ní luaitear í i dtagairtí don ghníomh i gceist.

[BBBB/U]

info:
Roimh an 1 Eanáir 2015

Bhíodh uimhriú na ngníomhartha ag brath ar an gcineál gnímh a bhí i gceist agus baintear úsáid as an seanchóras uimhrithe sin fós nuair a dhéantar tagairt do na gníomhartha seo.

Prionsabail ghinearálta

  1. Bhaintí úsáid as an bhfocal giorraithe ‘Uimh.’ nuair a bhíodh an uimhir sheicheamhach roimh an mbliain:

    Rialachán (CE) Uimh. 817/97 ón gCoimisiún (†)

    Cinneadh Uimh. 284/2010/AE ó Pharlaimint na hEorpa agus ón gComhairle (†)

    Ní bhaintí úsáid as an bhfocal giorraithe ‘Uimh.’ nuair a bhíodh an bhliain roimh an uimhir sheicheamhach:

    Cinneadh 2009/78/CE ón gCoimisiún (†)

  2. Bhaintí úsáid as ceithre dhigit chun an bhliain a chur in iúl (roimh an 1 Eanáir 1999 dhá dhigit a d’úsáidtí):

    Rialachán (CE) Uimh. 23/1999 ón gCoimisiún (†)

    Cinneadh 2011/199/AE ón gComhairle Eorpach

    Rialachán (CE) Uimh. 2820/98 ón gComhairle (†)

NB:

Athraíodh giorrúcháin na réimsí le himeacht na mblianta de réir mar a glacadh conarthaí nua agus de réir mar a glacadh leasuithe ar na Conarthaí:

  • roimh an 1 Samhain 1993: bhíothas ag úsáid na ngiorrúchán ‘CEE’, ‘CEGC’, ‘Euratom’,
  • an 1 Samhain 1993, an dáta a tháinig an Conradh ar an Aontas Eorpach i bhfeidhm, rinneadh ‘(CE)’ de ‘(CEE)’, agus tosaíodh ag úsáid na ngiorrúchán ‘CGB’ (ceartas agus gnóthaí baile), ‘CBES’ (an Comhbheartas Eachtrach agus Slándála) agus ‘CBS’ (coinbhinsiúin arna síniú idir Ballstáit),
  • ón 24 Iúil 2002 i leith (i ndiaidh do Chonradh CEGC dul in éag), éiríodh as CEGC a úsáid,
  • an 1 Nollaig 2009, an dáta a tháinig Conradh Liospóin i bhfeidhm, tosaíodh ar an ngiorrúchán ‘AE’ a úsáid (rinneadh ‘AE’ de ‘CE’). Ar na giorrúcháin sin a cruthaíodh de thoradh theacht i bhfeidhm an Chonartha ar an Aontas Eorpach úsáidtear ‘CBES’ fós ach ní úsáidtear ‘CGB’ ná ‘CBS’ a thuilleadh.

Uimhriú

Sanntar uimhir sheicheamhach do gach gníomh, bunaithe ar an tsraith lena mbaineann sé. Athraíonn ord na n-eilimintí ag brath ar an gcineál gnímh a bhíonn i gceist.

Rialacháin

Is mar a leanas a dhéantar tagairt do rialacháin: an giorrúchán (idir lúibíní) agus an uimhir sheicheamhach agus an bhliain:

Rialachán (AE) Uimh. 641/2010

Ní mar sin a bhí i gcónaí, athraíodh uimhriú na rialachán:

  • seo mar a bhí ó 1952 go dtí an 31 Nollaig 1962:

    Rialachán Uimh. 17 (†)

  • ón 1 Eanáir 1963 go dtí an 31 Nollaig 1967 chuirtí tagairt do chonradh nó do chonarthaí, agus an bhliain, leis an lua:

    Rialachán Uimh. 1009/67/CEE (†)

  • ón 1 Eanáir 1968 i leith, bhí an tagairt don chonradh in ionad eile:

    Rialachán (CEE) Uimh. 1470/68 (†)

Treoracha

I gcás treoracha, baintear úsáid as an mbliain, an uimhir sheicheamhach agus an giorrúchán:

Treoir 2010/24/AE ón gComhairle (†)

Ón 1 Eanáir 1992 go dtí an 31 Nollaig 2014, ba í Ardrúnaíocht na Comhairle a shannadh na huimhreacha sin.

Bíonn orduimhir sa teideal ag roinnt treoracha atá níos seanda:

An Chéad Treoir 73/239/CEE ón gComhairle (†)

Cinntí

I gcás cinntí a fhoilsítear faoi cheannteideal L I, baintear úsáid as an uimhir sheicheamhach, an bhliain agus an giorrúchán:

Treoir Uimh. 477/2010/AE ó Pharlaimint na hEorpa agus ón gComhairle (†)

Na cinntí a ghlactar i gcomhréir le nós imeachta reachtach, sanntar uimhir orthu as an tsraith chéanna le rialacháin, e.g. Cinneadh Uimh. 477/2010/AE ó Pharlaimint na hEorpa agus ón gComhairle (†), Rialachán (AE) Uimh. 478/2010 ón gCoimisiún (†), Rialachán (AE) Uimh. 479/2010 ón gCoimisiún (†).

I gcás cinntí a fhoilsítear faoi cheannteideal L II, baintear úsáid as an mbliain, an uimhir sheicheamhach agus an giorrúchán:

Treoir 2010/294/AE ón gComhairle (†)

Buiséid

Nuair a ghlactar an buiséad ginearálta go cinntitheach, luaitear uimhir i gclár na n-ábhar agus ar an leathanach teidil (e.g. ‘2010/117/AE, Euratom’) ach ní luaitear sa tagairt í.

Uimhriú dúbailte

Bíonn dhá uimhir ag gníomhartha áirithe:

  • an uimhir (e.g. ‘(AE) 2015/299’) a shann ag Oifig na bhFoilseachán dóibh, agus
  • an uimhir a shann an t-údar dóibh (e.g. ‘BCE/2015/5’, ‘ATALANTA/4/2015’, etc.).

Cuirtear an uimhir a shann an t-údar dóibh idir lúibíní ag deireadh an teidil i gcás gníomhartha ón mBanc Ceannais Eorpach agus i gcás cinntí ón gCoiste Polaitiúil agus Slándála:

Rialachán (AE) 2015/534 ón mBanc Ceannais Eorpach […] (BCE/2015/13)

Cinneadh (AE) 2015/299 ón mBanc Ceannais Eorpach […] (BCE/2015/5)

Treoirlíne (AE) 2015/732 ón mBanc Ceannais Eorpach […] (BCE/2015/20)

Cinneadh (CBES) 2015/711 ón gCoiste Polaitiúil agus Slándála […] (ATALANTA/4/2015)

NB:

Déantar tagairt do chinntí, treoracha agus moltaí ón mBanc Ceannais Eorpach a foilsíodh roimh an 1 Eanáir 2015 leis an uimhir a shann an t-údar amháin.

(4)

Le Cinneadh (AE) 2016/1975 ón mBanc Ceannais Eorpach (BCE/2016/39)(2), tagraítear d’inniúlachtaí an Bhoird Feidhmiúcháin de bhun Airteagal 3(2) de Chinneadh BCE/2013/54 ón mBanc Ceannais Eorpach(3). Rinneadh Cinneadh BCE/2013/54 a aisghairm le Cinneadh (AE) 2020/637 (BCE/2020/24). […]

(2)
Cinneadh (AE) 2016/1975 ón mBanc Ceannais Eorpach an 8 Samhain 2016 maidir le fo-tharmligean na gcumhachtaí creidiúnú sealadach a dheonú (BCE/2016/39) (IO L 304, 11.11.2016, lch. 9, ELI: http://data.europa.eu/eli/dec/2016/1975/oj).
(3)
Cinneadh BCE/2013/54 ón mBanc Ceannais Eorpach an 20 Nollaig 2013 maidir leis na nósanna imeachta creidiúnaithe le haghaidh monaróirí earraí agus ítimí euro a dhaingniú in euro agus lena leasaítear Cinneadh BCE/2008/3 (IO L 57, 27.2.2014, lch. 29, ELI: http://data.europa.eu/eli/dec/2013/106(3)/oj).

I gcás gníomhartha áirithe, ní áirítear réimse san uimhir a shann Oifig na bhFoilseachán dóibh agus cuirtear an uimhir idir lúibíní cearnacha ag deireadh an teidil. Áirítear orthu sin: cinntí ó na comhairlí agus na coistí éagsúla a cruthaíodh le comhaontuithe idirnáisiúnta, gníomhartha a bhaineann leis an Limistéar Eorpach Eacnamaíoch (LEE), nó le Comhlachas Saorthrádála na hEorpa (CSTE) agus rialacháin ó Choimisiún Eacnamaíochta na Náisiún Aontaithe don Eoraip (NA/ECE):

Cinneadh Uimh. 1/2015 ó Choiste Ambasadóirí ACC-AE […] [2015/1909] (†)

Cinneadh Uimh. 159/2014 ó Chomhchoiste LEE […] [2015/94] (†)

Cinneadh Uimh. 30/15/COL ó Údarás Faireacháin CSTE […] [2015/1813] (†)

Cinneadh Uimh. 78 ó Choimisiún Eacnamaíochta na Náisiún Aontaithe don Eoraip (NA/ECE) […] [2015/145] (†)

info:
Roimh an 1 Eanáir 2015
Ní bhíonn ach an uimhir a chuireann an t-údar ar fáil ag gníomhartha a bhaineann leis an Limistéar Eorpach Eacnamaíoch (LEE) nó le Comhlachas Saorthrádála na hEorpa (CSTE) agus ag rialacháin ó Choimisiún Eacnamaíochta na Náisiún Aontaithe don Eoraip (NA/ECE).

Gníomhartha neamhuimhrithe agus téacsanna eile

Ní chuirtear uimhir le comhaontuithe idirnáisiúnta (féach Pointe 1.2.3, ‘L II — Gníomhartha neamhreachtacha’) ná le ceartúcháin.

Maidir le comhaontuithe idirnáisiúnta, ní féidir leis an Aontas Eorpach uimhir a thabhairt go haontaobhach dóibh toisc nach bhfuil ann ach ceann de na páirtithe sa chomhaontú.

info:
Roimh an 1 Deireadh Fómhair 2023

Ní shanntaí uimhir do ghníomhartha áirithe ná do chomhaontuithe idirnáisiúnta nó ceartúcháin:

  • eolas a bhain leis an dáta a thiocfadh comhaontú idirnáisiúnta i bhfeidhm, agus
  • rialacha nós imeachta.