1.2.3. Inneachar

(a) Rialacháin

Is faoin bhfo-cheannteideal seo a fhoilsítear rialacháin arna nglacadh go comhpháirteach ag Parlaimint na hEorpa agus ag an gComhairle (an gnáthnós imeachta reachtach) nó rialacháin arna nglacadh go leithleach ag ceann amháin den dá institiúid le rannpháirtíocht na hinstitiúide eile (an nós imeachta reachtach speisialta):

(b) Treoracha

Is faoin bhfo-cheannteideal seo a fhoilsítear treoracha arna nglacadh go comhpháirteach ag Parlaimint na hEorpa agus ag an gComhairle (an gnáthnós imeachta reachtach) nó treoracha arna nglacadh go leithleach ag an gComhairle le rannpháirtíocht Pharlaimint na hEorpa (an nós imeachta reachtach speisialta):

(c) Cinntí

Is faoin bhfo-cheannteideal seo a fhoilsítear cinntí arna nglacadh go comhpháirteach ag Parlaimint na hEorpa agus ag an gComhairle (an gnáthnós imeachta reachtach) nó cinntí arna nglacadh go leithleach ag an gComhairle le rannpháirtíocht Pharlaimint na hEorpa (an nós imeachta reachtach speisialta):

(d) Buiséid

Is faoin bhfo-cheannteideal seo a chumhdaítear buiséid bhliantúla agus buiséid leasaitheacha gaolmhara an Aontais Eorpaigh, agus an gníomh lena nglactar go cinntitheach iad foilsithe rompu san eagrán céanna den Iris Oifigiúil:

Is don ghlacadh cinntitheach a shanntar an uimhir, i.e. an gníomh roimh an mbuiséad bliantúil nó roimh an mbuiséad leasaitheach. Cé nach mbíonn uimhir ar bith ar an mbuiséad bliantúil féin, sannann an t-údar uimhir do na buiséid leasaitheacha (e.g. ‘buiséad leasaitheach an Aontais Eorpaigh Uimh. 3 don bhliain airgeadais 2023’).

(a) Comhaontuithe Idirnáisiúnta

Is ‘comhaontuithe idirnáisiúnta’ (dá ngairtear comhaontuithe anseo feasta) iad comhaontuithe arna dtabhairt i gcrích ag an Aontas Eorpach nó ag an gComhphobal Eorpach do Fhuinneamh Adamhach, coinbhinsiúin arna síniú ag na Ballstáit, comhaontuithe, coinbhinsiúin agus prótacail arna mbunú ag Ionadaithe Rialtais na mBallstát ag teacht le chéile dóibh i dtionól na Comhairle, comhaontuithe inmheánacha idir Ionadaithe Rialtais na mBallstát ag teacht le chéile dóibh i dtionól na Comhairle, comhaontuithe i bhfoirm malartú litreacha, etc.

Ní chuirtear uimhir le comhaontuithe, mar a shainmhínítear iad thuas. Ní shannfaidh Oifig na bhFoilseachán ach uimhir na hIrise Oifigiúla dóibh (bíonn an uimhir sin le feiceáil i gceanntásc na hIrise Oifigiúla).

Is faoin bhfo-cheannteideal seo a chumhdaítear:

• cinntí a bhaineann le comhaontú, agus a mbíonn téacs an chomhaontaithe i gceangal leo:

  Cinneadh (AE) 2015/209 ón gComhairle an 10 Samhain 2014 maidir le síniú, thar ceann an Aontais Eorpaigh, agus cur i bhfeidhm sealadach an chomhaontaithe maidir le comhar eolaíochta agus teicneolaíochta idir an tAontas Eorpach agus Oileáin Fharó, lena ndéantar Oileáin Fharó a chomhlachú le ‘Fís 2020’– an Clár Réime um Thaighde agus um Nuálaíocht (2014–2020) (†)

  Comhaontú maidir le comhar eolaíochta agus teicneolaíochta idir an tAontas Eorpach agus Oileáin Fharó, lena ndéantar Oileáin Fharó a chomhlachú le ‘Fís 2020’– an Clár Réime um Thaighde agus um Nuálaíocht (2014–2020) (†)

  Cinneadh (AE) 2015/105 ón gComhairle an 14 Aibreán 2014, maidir le síniú, thar ceann an Aontais, agus cur i bhfeidhm sealadach Prótacail a ghabhann leis an gComhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile, faoi Chreat-Chomhaontú idir an tAontas Eorpach agus Poblacht na hAsarbaiseáine faoi na prionsabail ghinearálta a ghabhann le rannpháirtíocht Phoblacht na hAsarbaiseáine i gcláir de chuid an Aontais (†)

  Prótacal a ghabhann leis an gComhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile, faoi na prionsabail ghinearálta a ghabhann lena rannpháirtíocht i gcláir de chuid an Aontais (†)

• cinntí a bhaineann le comhaontú, agus nach mbíonn téacs an chomhaontaithe i gceangal leo:

  Cinneadh ón gComhairle (AE) 2015/1796 an 24 Márta 2015 lena n-aisghairtear Cinneadh 2011/492/AE maidir le comhairliúcháin le Poblacht Ghuine Bissau a thabhairt i gcrích de réir Airteagal 96 den Chomhaontú Comhpháirtíochta ACC-AE (†)

• faisnéis a bhaineann le teacht i bhfeidhm comhaontuithe:

  Faisnéis a bhaineann leis an gComhaontú idir an tAontas Eorpach agus Saint Lucia maidir leis an tarscaoileadh ar víosaí gearrfhanachta [2023/2212]

  NB:

  Seo an t-aon nóta faisnéise a fhoilsítear i sraith L.

(b) Rialacháin

Is faoin bhfo-cheannteideal seo a chumhdaítear rialacháin ón gComhairle (rialacháin atá bunaithe go díreach ar na Conarthaí agus rialacháin cur chun feidhme), rialacháin ón gCoimisiún (rialacháin atá bunaithe go díreach ar na Conarthaí, rialacháin tharmligthe agus rialacháin cur chun feidhme) agus rialacháin ón mBanc Ceannais Eorpach:

Maidir le rialacháin BCE, dá sannann BCE uimhir freisin (‘BCE/2015/13’), foilsítear iad agus dhá uimhir acu (féach ‘Uimhriú dúbailte’ faoi Phointe 1.2.2).

(c) Treoracha

Is faoin bhfo-cheannteideal seo a chumhdaítear treoracha ón gComhairle (treoracha atá bunaithe go díreach ar na Conarthaí agus treoracha cur chun feidhme) agus treoracha ón gCoimisiún (treoracha atá bunaithe go díreach ar na Conarthaí, treoracha tarmligthe agus treoracha cur chun feidhme):

(d) Cinntí

Cumhdaítear an méid seo a leanas leis an bhfo-cheannteideal seo:

• cinntí ó Ionadaithe Rialtais na mBallstát, cinntí ón gComhairle agus ó Ionadaithe Rialtais na mBallstát agus cinntí a ghlactar de chomhthoil idir Ionadaithe Rialtais na mBallstát:

  Cinneadh (AE, Euratom) 2015/578 ó Ionadaithe Rialtais na mBallstát (†)

• cinntí áirithe ó Pharlaimint na hEorpa:

  Cinneadh (AE) 2015/1614 ó Pharlaimint na hEorpa

• cinntí ón gComhairle Eorpach:

  Cinneadh (AE) 2018/509 ón gComhairle Eorpach

• cinntí áirithe ó Pharlaimint na hEorpa agus ón gComhairle:

  Cinneadh (AE) 2015/468 ó Pharlaimint na hEorpa agus ón gComhairle

• cinntí áirithe ón gComhairle (cinntí a bhunaítear go díreach ar na Conarthaí, cinntí CBES san áireamh agus cinntí cur chun feidhme):

  Cinneadh (AE) 2015/1025 ón gComhairle

  Cinneadh cur chun feidhme (AE) 2015/156 ón gComhairle

  Cinneadh (CBES) 2015/76 ón gComhairle

• cinntí ón gCoimisiún (cinntí a bhunaítear go díreach ar na Conarthaí, cinntí tarmligthe agus cinntí cur chun feidhme):

  Cinneadh (AE) 2015/119 ón gCoimisiún

  Cinneadh Tarmligthe (AE) 2015/1602 ón gCoimisiún

  Cinneadh cur chun feidhme (AE) 2015/103 ón gCoimisiún

• cinntí ón mBanc Ceannais Eorpach:

  Cinneadh (AE) 2015/299 ón mBanc Ceannais Eorpach […] (BCE/2015/5)

  Maidir le cinntí BCE, dá sannann BCE uimhir freisin (‘BCE/2015/5’), foilsítear iad agus dhá uimhir acu (féach ‘Uimhriú dúbailte’ faoi Phointe 1.2.2).

(e) Moltaí

Is faoin bhfo-cheannteideal seo a chumhdaítear moltaí ón gComhairle de bhun Airteagail 121, 126, 140 agus 292 den Chonradh ar Fheidhmiú an Aontais Eorpaigh, moltaí ón gCoimisiún (Airteagal 292) agus moltaí ón mBanc Ceannais Eorpach (Airteagal 292):

Maidir le moltaí ó BCE, dá sannann BCE uimhir freisin, foilsítear iad agus dhá uimhir acu (féach ‘Uimhriú dúbailte’ faoi Phointe 1.2.2).

Foilsítear moltaí eile i sraith C.

(f) Treoirlínte

Is faoin bhfo-cheannteideal seo a chumhdaítear treoirlínte ón mBanc Ceannais Eorpach. Sannann BCE uimhir dóibh freisin (‘BCE/2015/20’) agus mar sin foilsítear iad agus dhá uimhir acu (féach ‘Uimhriú dúbailte’ faoi Phointe 1.2.2):

(g) Rialacha Nós Imeachta

Is faoin bhfo-cheannteideal seo a chumhdaítear rialacha nós imeachta na n-institiúidí agus na gcomhlachtaí; foilsítear rialacha nós imeachta na n-oifigí agus na ngníomhaireachtaí i sraith C. Sanntar uimhir do na rialacha nós imeachta ag deireadh an teidil, i lúibíní cearnacha:

Nuair a bhíonn na rialacha nós imeachta ag gabháil le gníomh, aicmítear iad faoin gceannteideal céanna leis an ngníomh agus ní shanntar uimhir orthu.

(h) Gníomhartha a ghlacann comhlachtaí a bhunaítear le comhaontuithe idirnáisiúnta

Is faoin bhfo-cheannteideal seo a chumhdaítear cinntí ó chomhlachtaí arna mbunú le comhaontuithe idirnáisiúnta, chomh maith le rialacháin ó Choimisiún Eacnamaíochta na Náisiún Aontaithe don Eoraip (NA/ECE). Bíonn dhá uimhir ag na gníomhartha seo (féach ‘Uimhriú dúbailte’ faoi Phointe 1.2.2).

(i) Comhaontuithe idirinstitiúideacha

Rialaítear le comhaontuithe idirinstitiúideacha gnéithe áirithe comhairliúcháin agus comhair idir institiúidí an Aontais Eorpaigh mar thoradh ar an gcomhdhearcadh eatarthu – i.e. is ionann iad agus cineál comhrialacha nós imeachta.

Cinneann na hinstitiúidí na comhaontuithe seo a fhoilsiú i sraith L nó i sraith C ag brath ar a gcomhthéacs, a raon feidhme agus a n-éifeachtaí.

An Limistéar Eorpach Eacnamaíoch

Cumhdaítear an méid seo a leanas leis an bhfo-cheannteideal seo:

• cinntí a glacadh faoi chuimsiú an Limistéir Eorpaigh Eacnamaíoch (LEE):

  Cinneadh Uimh. 159/2014 ó Chomhchoiste LEE […] [2015/94]

• gníomhartha a glacadh faoi chuimsiú Chomhlachas Saorthrádála na hEorpa (CSTE):

  Cinneadh Uimh. 30/15/COL ó Údarás Faireacháin CSTE […] [2015/1813]

  Cinneadh Uimh. 2/2015/SC ó Bhuanchoiste Stáit CSTE […] [2015/2024]

• rialacha nós imeachta Chúirt CSTE.

Bíonn dhá uimhir ag na gníomhartha seo (seachas rialacha nós imeachta Chúirt CSTE) (féach ‘Uimhriú dúbailte’ faoi Phointe 1.2.2).

I gcás gníomhartha ó Údarás Faireacháin Chomhlachas Saorthrádála na hEorpa, in uimhir an ghnímh ná húsáidtear ach dhá dhigit don bhliain: 30/15/COL (COL = Coláiste an Údaráis Faireacháin).