10.3.2. Dátaí
I dtéacsanna reachtacha úsáidtear ‘go’ seachas fleiscín (2015 go 2021).
- blianta:
- Scríobhtar ‘in BBBB’ seachas ‘sa bhliain BBBB’
in 1876
in 1945
in 2013
- Scríobhtar ‘in BBBB’ seachas ‘sa bhliain BBBB’
- tréimhsí deich mbliana:
- Úsáidtear an foirceann ‘-í’
sna 1990í (seachas ‘na nóchaidí’)
- dátaí:
- I gcorp téacs, mura tagairt don Iris Oifigiúil atá i gceist, is iondúil go scríobhtar na dátaí amach ina bhfoirm iomlán.
- Úsáidtear an t-alt agus tagairt á déanamh do dhátaí in abairt:
Vótáil an suí iomlánach an 31 Eanáir 2019.
arna dhéanamh sa Bhruiséil, an 8 Aibreán 2021
Seoltar na freagraí faoin 31 Nollaig 2021.
Beidh an córas seo éigeantach ón 1 Eanáir 2021 ar aghaidh.
- Seachnaítear an t-athrá. Más léir an bhliain atá i gceist, is féidir an bhliain a fhágáil ar lár:
An 8 Aibreán 2021, ghlac an coiste rialacha nós imeachta. An 17 Bealtaine, chinn an coiste gur ghá na rialacha sin a leasú.
- Giorraítear na dátaí i bhfonótaí, agus i ndoiciméid neamhfhoirmeálta atá á n-aistriú chun críoch faisnéise amháin. Ná cuirtear nialas chun tosaigh.
8.4.2021
- Má luaitear an lá den tseachain, cuirtear camóg ina dhiaidh
Glacadh na miontuairiscí Dé Céadaoin, an 29 Aibreán 2021
- Úsáidtear an dobhriathar ama 'Dé' agus tagairt á dhéanamh do laethanta ar leith:
Tionólfar an cruinniú Dé Céadaoin seo chugainn.
- Má bhíonn réamhfhocal á úsáid roimh lá áirithe, déantar an t-alt a chumasc leis an réamhfhocal:
Ní mór na hiarratais a bheith faighte faoin gCéadaoin, an 29 Aibreán 2021
- Ná scríobhtar an réamhfhocal 'ar' roimh an dáta
Rachaidh an Cinneadh seo in éag an 31 Nollaig 2021.
- I ndoiciméid fhoirmeálta áirithe scríobhtar amach i bhfocail na dátaí agus na tagairtí do dhátaí.
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh in Ottawa, i ndúblach, an 28ú lá seo de Dheireadh Fómhair, naoi gcéad déag caoga a ceathair.
- réimsí ama
- I dtéacsanna reachtacha úsáidtear ‘go’ seachas fleiscín
2015 go 2021
- Léirítear le tulslais gur aon bhliain amháin margaí ochta, airgeadais, acadúil atá i gceist (féach Pointe 10.1.9):
1991/1992
- Tugtar an méid a leanas faoi deara:
ó 2020 go 2030 (seachas ó 2020-2030)
idir 2020 agus 2030 (seachas idir 2020-2030)
Ag an gcruinniú a bhí ag an gComhairle Eorpach ón 18 go dtí an 19 Meitheamh 2021 (seachas …ón 18/19 Meitheamh 2021)
Ag an gcruinniú a bhí ag an gComhairle Eorpach an 18 agus an 19 Meitheamh 2021 (seachas … an 18/19 Meitheamh 2021)
- I dtéacsanna neamhreachtacha, cuirtear tréimhsí blianta in iúl le fleiscín dúnta, gan spás roimhe ná ina dhiaidh (féach Pointe 10.1.10):
2010-2020 (seachas 2010-20)
- Má bhíonn tagairt do dhoiciméad nó d'imeacht sonrach, tugtar na dátaí agus na réimsí ama díreach mar a bhí siad i dteideal an doiciméid nó an imeachta:
An Caighdeán Oifigiúil, 2017
Scéim na Gaeilge 2019-2022
Tionscadal Éireann 2040
- I dtéacsanna reachtacha úsáidtear ‘go’ seachas fleiscín