11. Saothair thagartha

Tá comhsheasmhacht sa litriú agus stíl chaighdeánach cur i láthair do shaothair de chuid an Aontais bunriachtanach; chuige sin, tagraíonn Oifig na bhFoilseachán do na heagráin is déanaí de na foilseacháin atá liostaithe anseo.

Maidir le téacsanna a fhoilsítear i nGaeilge san Iris Oifigiúil, is iad seo a leanas na príomhshaothair thagartha:

(a) ceisteanna litrithe agus teanga:

• Foclóir Gaeilge-Béarla, Ó Dónaill (Oifig an tSoláthair),
• English-Irish Dictionary, De Bhaldraithe (An Gúm),
• An Foclóir Beag (An Gúm),
• Graiméar Gaeilge na mBráithre Críostaí (An Gúm),
• Gramadach na Gaeilge: An Caighdeán Oifigiúil (Seirbhís Thithe an Oireachtais, 2017),
• Cruinneas Gramadaí agus Corrfhocal Eile (Lagan Press),
• Achtanna an Oireachtais 1922-2009: (www.achtanna.ie), Irish Statue Book (http://www.irishstatutebook.ie/eli/acts.html#),
• An Bunachar Náisiúnta Téarmaíochta don Ghaeilge: (www.tearma.ie),
• Acmhainn, láithreán áiseanna Gaeilge: (www.acmhainn.ie),
• Gaois, ardán acmhainní teanga agus téarmaíochta: (www.gaois.ie),
• IATE, bunachar téarmaíochta an Aontais Eorpaigh: (http://iate.europa.eu),
• New Hart’s Rules: The Handbook of Style for Writers and Editors (Oxford University Press)¹;

(b) ábhair a bhaineann le dréachtú na reachtaíochta:

• Lámhleabhar Comhpháirteach maidir le Gníomhartha atá faoi réir an Ghnáthnós Imeachta Reachtaigh a Leagan Amach agus a Dhréachtú (An Pharlaimint, An Chomhairle, An Coimisiún), eagrán mhí Eanáir 2018,
• Legislative drafting — a Commission manual²,
• An Treoirleabhar Comhchleachtais ó Pharlaimint na hEorpa, ón gComhairle agus ón gCoimisiún dóibh siúd atá rannpháirteach i ndréachtú reachtaíocht an Aontais Eorpaigh, Oifig Foilseachán an Aontais Eorpaigh, 2015;

(c) acrainmneacha agus giorrúcháin:

• IATE (bunachar sonraí le haghaidh téarmaíocht a bhailiú, a scaipeadh agus a chomhbhainistiú idir institiúidí, gníomhaireachtaí agus comhlachtaí eile an Aontais Eorpaigh);

(d) teidil, ábhar, na leasuithe is deireanaí ar ghníomhartha etc. a sheiceáil:

• EUR-Lex (a sholáthraíonn rochtain dhíreach saor in aisce ar dhlí an Aontais Eorpaigh. Is féidir cuardach a dhéanamh freisin san Iris Oifigiúil, sna conarthaí, sa chásdlí agus sna fógraí reachtacha);

(e) chun profáil a dhéanamh ar phrofaí clóite den Iris Oifigiúil (rialacha leagan amach, cló, etc.):

• Visual guide — Official Journal typographical rules.

Ina theannta sin, is buantagairtí iad eagráin áirithe den Iris Oifigiúil i réimsí amhail an talmhaíocht, an iascach, comhaontuithe trádála, an Ainmníocht Chomhcheangailte, comhaontuithe le tríú tíortha, etc.