2.5. Abairtí deiridh (áit, dáta agus síniú)
Críochnaíonn an gníomh leis na focail ‘Arna dhéanamh i/in/sa …, …’ lena léirítear áit agus dáta an tsínithe, agus an síniú/na sínithe ina dhiaidh sin.
Is mar a leanas a bhíonn críoch an ghnímh:
- na focail ‘Arna déanamh/arna déanamh i/sa …’ chun áit agus dáta an tsínithe a chur in iúl,
- cuirtear an síniú i ndiaidh na bhfocal thuasluaite.
Áit agus dáta
Sa reachtaíocht thánaisteach, cuirtear an áit agus an dáta in iúl mar a leanas:
Arna déanamh/arna dhéanamh i Lucsamburg, an 5 Iúil 2006.
Is é an dáta an dáta a síníodh an gníomh (gníomhartha a ghlacann Parlaimint na hEorpa agus an Chomhairle go comhpháirteach) nó ar glacadh an gníomh (i gcásanna eile).
I gconarthaí agus i gcomhaontuithe idirnáisiúnta etc. scríobhtar an dáta i bhfocail:
Arna déanamh/arna dhéanamh i Lucsamburg, an cúigiú lá is fiche d’Aibreán sa bhliain dhá mhíle a cúig.
Is minic gur sa Bhruiséil a shinítear gníomhartha na n-institiúidí, nó d'fhéadfadh sé gur i Lucsamburg (ag cruinnithe na Comhairle i mí Aibreáin, mí Iúil, agus mí Dheireadh Fómhair), in Strasbourg (go háirithe i gcás Pharlaimint na hEorpa nuair a bhíonn sí ag síniú leis an gComhairle) nó in Frankfurt am Main (i gcás fhormhór na ngníomhartha ón mBanc Ceannais Eorpach) a dhéanfaí é.
Sínitheoirí (ní liosta cuimsitheach é seo)
Sa reachtaíocht thánaisteach:
| Parlaimint na hEorpa | An Chomhairle Eorpach | An Chomhairle |
|---|---|---|
Thar ceann Pharlaimint An tUachtarán … (iniseal(acha) agus sloinne iomlán) |
Thar ceann na Comhairle Eorpaí An tUachtarán … (iniseal(acha) agus sloinne iomlán) |
Thar ceann na Comhairle An tUachtarán … (iniseal(acha) agus sloinne iomlán) |
| An Coimisiún | ||
|---|---|---|
| Rialacháin, treoracha, cinntí nach luaitear iontu cé chuige a bhfuil siad dírithe | Cinntí ina sonraítear cé chuige a bhfuil siad dírithe | |
Thar ceann an Choimisiúin An tUachtarán … (ainm iomlán) |
Thar ceann an Choimisiúin, Thar ceann an Uachtaráin, … (ainm iomlán) Comhalta den Choimisiún |
Thar ceann an Choimisiúin … (ainm iomlán) Leas-Uachtarán an Choimisiúin |
|
Thar ceann an Choimisiúin, Thar ceann an Uachtaráin, … (ainm iomlán) Leas-Uachtarán an Choimisiúin |
Thar ceann an Choimisiúin, Thar ceann an Uachtaráin, … (ainm iomlán) An tArd-Stiúrthóir Ard-Stiúrthóireacht … |
Thar ceann an Choimisiúin … (ainm iomlán) Comhalta den Choimisiún |
| Comhchoiste LEE | An Banc Ceannais Eorpach | |
|---|---|---|
| Rialacháin, Treoirlínte | Cinntí, moltaí | |
Thar ceann Chomhchoiste LEE An tUachtarán … (ainm iomlán) |
Thar ceann Chomhairle Rialaithe Uachtarán BCE … (ainm iomlán) |
Uachtarán BCE … (ainm iomlán) |
|
Thar ceann Bhord Uachtarán BCE … (ainm iomlán) |
||
I gcomhaontuithe idirnáisiúnta:
| Comhaontuithe, prótacail, coinbhinsiúin | |
|---|---|
Thar ceann an Aontais Eorpaigh (síniú) |
Thar ceann na mBallstát (síniú) |
| Comhaontuithe i bhfoirm malartú litreacha | |
|---|---|
Thar ceann Chomhairle an Aontais Eorpaigh |
Thar ceann an Aontais Eorpaigh |