5.2. An leathanach teidil

Ar an leathanach teidil tá an t-eagarthóir, teideal an tsaothair, uimhir an eagráin agus/nó an bhliain, suíochán an eagarthóra, ainm an údair agus, más infheidhme, uimhir imleabhair nó teideal an bhailiúcháin.

Bíonn na sonraí seo a leanas ar an leathanach teidil:

• an t-eagarthóir (féach Pointe 4.4.1),
• teideal an tsaothair agus, más inheidhme, fotheideal an tsaothair (féach Pointe 5.1.1),
• uimhir an eagráin, an atheagráin nó an athchló nó an bhliain, nó an dá rud,
• áit tionscnaimh an eagarthóra (ní mór é sin a lua i gcás gach eagarthóra, i gcomhréir leis an gconradh nó leis an bprótacal ábhartha),
• ainm an údair (féach Pointe 5.1.1),
  NB:

  Is féidir ainm Ard-Stiúrthóireachta a bheith ar an leathanach teidil, ach ní féidir, ar chúinse ar bith, í a bheith ar leathanach 1 den chlúdach.

• uimhir an imleabhair, i gcás saothar ina bhfuil iliomad imleabhar (féach Pointe 5.1.1),
• teideal an bhailiúcháin nó na sraithe mar aon le sraithuimhir an tsaothair, nuair is ábhartha.

Atheagrán nó athchló

Aon saothar a ndéantar athruithe móra ar an téacs nó ar an gclóghrafaíocht ann, ní mór eagrán nua a dhéanamh de (agus ní mór uimhir an eagráin a lua).

Más athchlónna atá i gceist, is féidir dátaí na n-athchlónna éagsúla a lua.

An leathanach teidil

1. An t-eagarthóir

2. Teideal an tsaothair (i gcás tuarascáil bhliantúil nó staidéar a bhaineann le tréimhse ar leith, ní mór an bhliain nó an tréimhse i gceist a bheith mar chuid den teideal)

3. Suíomh an eagarthóra

NB:

Ní ann don fhoilseachán seo i nGaeilge; cuirtear an íomhá ar fáil anseo ar mhaithe le suíomh na míreanna éagsúla a léiriú.