5.4.1. Fógra cóipchirt (athbhreithniú iomlán)

Cuireann an fógra cóipchirt an léitheoir ar an eolas go bhfuil an píosa oibre faoi chosaint chóipchirt. Ba cheart a thabhairt le fios ann úinéir an chóipchirt, bliain an fhoilsithe, an gceadaítear athúsáid agus, má cheadaítear, na coinníollacha a bhaineann leis an athúsáid. Ina theannta sin, i bhfógra cóipchirt atá dea-dhréachtaithe agus iomlán, tá sé ríthábhachtach aitheantas a thabhairt do na heilimintí tríú páirtí atá san fhoilseachán.

Tá trí eilimint i bhfógra cóipchirt caighdeánach:

an tsiombail ‘©’ nó an focal ‘Cóipcheart’ chun cosaint chóipchirt a thabhairt le fios,
ainm shealbhóir an chóipchirt,
bliain chéadfhoilsithe an tsaothair.

Sealbhóir an chóipchirt

Ní fhéadfaidh ach eintitis a bhfuil pearsantacht dhlítheanach acu cóipcheart a bheith ina seilbh acu.

(a) Institiúidí agus seirbhísí idirinstitiúideacha a roinneann pearsantacht dhlítheanach an Aontais Eorpaigh

Ba cheart ‘© An tAontas Eorpach’ a bheith ar fhoilseacháin a chruthaíonn baill foirne institiúidí an Aontais Eorpaigh, seachas i gcás an Bhainc Ceannais Eorpaigh, a bhfuil a phearsantacht dhlítheanach féin aige agus, dá bhrí sin, a chóipcheart féin.

NB:

Bain úsáid as an ainmníocht iomlán, agus ní an giorrúchán amháin:

Níl pearsantacht dhlítheanach ag seirbhísí idirinstitiúideacha, cuir i gcás Oifig na bhFoilseachán, an tSeirbhís Eorpach Gníomhaíochta Seachtraí agus an Oifig Eorpach um Roghnú Foirne. Dá bhrí sin, úsáideann siad an fógra cóipchirt ‘© An tAontas Eorpach’ ar a gcuid foilseachán.

(b) Eintitis a bhfuil a bpearsantacht dhlítheanach féin acu

Tá a bpearsantacht dhlítheanach féin ag eagraíochtaí díláraithe (gníomhaireachtaí) agus ag gníomhaireachtaí feidhmiúcháin (féach Pointí 9.5.3 agus 9.5.4 ina bhfuil na liostaí iomlána) agus dá bhí sin, ní mór a lua gurb iadsan sealbhóirí an chóipchirt:

NB:

Bain úsáid as an ainmníocht iomlán, agus ní an giorrúchán amháin:

© An Ghníomhaireacht Eorpach um an nGarda Teorann agus Cósta, [bliain]
nó b’fhéidir:
© An Ghníomhaireacht Eorpach um an nGarda Teorann agus Cósta (Frontex), [bliain]
ach ní © Frontex, [bliain]

Má aistríodh an cóipcheart chuig an Aontas Eorpach le conradh nó le doiciméad dlíthiúil eile, úsáidtear an fógra seo a leanas:

NB:

Féach Pointe 9.5 maidir le struchtúr riaracháin an Aontais Eorpaigh. Tá an t eolas faoi phearsantacht dhlítheanach an chomhlachta le fáil sa ghníomh bunaidh ábhartha.

Is eintitis eile a bhfuil a bpearsantacht dhlítheanach féin acu iad an Banc Eorpach Infheistíochta agus an Ciste Eorpach Infheistíochta. Tá a gcóipcheart féin acu:

info:

Euratom

Aon doiciméad a dhréachtaítear faoi raon feidhme Chonradh Euratom (agus a thagann faoi líne buiséid Euratom), ní mór fógra cóipchirt dá chuid féin a bheith aige:

Is amhlaidh atá sé, mar shampla, i gcás doiciméid éagsúla nó foilseacháin speisialaithe i réimse an fhuinnimh adamhaigh a fhoilsíonn an tAirmheán Comhpháirteach Taighde.

An údarthacht a lua

Sonraítear in Airteagal 18 de na Rialacháin Foirne gur leis an Aontas Eorpach (nó leis an ngníomhaireacht ábhartha etc.) an cóipcheart i leith aon obair a dhéanann oifigigh de chuid an Aontais agus a ndualgais á ndéanamh acu. Mar sin féin, i gcásanna áirithe, d’fhéadfadh na seirbhísí údair a éileamh go luafaí na baill foirne a scríobh an saothar astu féin san fhoilseachán. Is amhlaidh atá sé, mar shampla, má tá tuairimí pearsanta an údair san fhoilseachán, nó i gcás foilseacháin eolaíocha nó ailt i dtréimhseacháin dlí. Sa chás sin, is inmholta séanadh dlíthiúil a úsáid (féach Pointe 5.4.4):

Údar: [ainm an duine]

Ní bhaineann sin le foilseacháin a eisíonn na seirbhísí údair ina gcáil institiúideach.

An bhliain

Maidir le foilseacháin de chuid an Aontais Eorpaigh i dteanga ar leith, is ar dháta a gcruthaithe a thosaíonn a dtréimhse cosanta cóipchirt. Má fhoilsítear saothar i dteangacha éagsúla i mblianta éagsúla, ba cheart bliain a fhoilsithe a bheith ar gach leagan teanga.

Má athchlóitear saothar, ní athraítear an fógra cóipchirt. I gcás eagráin nua, áfach, a mbreathnaítear orthu mar fhoilseacháin nua, ní mór dáta an fhógra cóipchirt a bheith ag freagairt do bhliain foilsithe an eagráin nua.

Nuair a athraítear formáid foilseacháin (athrú ó leagan páipéir go ríomhleabhar, mar shampla) is ionann bliain an eagráin sin agus bliain an bhuneagráin i gcás nach ndéantar aon athrú air. Má dhéantar athruithe móra air, foilsítear eagrán nua, agus ní mór dáta an fhógra cóipchirt a bheith ag freagairt do bhliain foilsithe an eagráin nua.

Ag obair le conraitheoirí

Is leis an Aontas Eorpach an cóipcheart ar fhoilseacháin a chruthaíonn conraitheoir má dhéantar foráil sa chonradh maidir leis an gcóipcheart ar na torthaí a aistriú chuig an Aontas Eorpach. I gcás an Choimisiúin, mar shampla, is amhlaidh a bhíonn de ghnáth nuair a úsáidtear conradh samplach de chuid Ard Stiúrthóireacht an Bhuiséid¹.

tip:

Má bhíonn ceist agat, déan teagmháil leis an tseirbhís atá i gceannas ar chúrsaí cóipchirt in Oifig na bhFoilseachán (OP-COPYRIGHT@publications.europa.eu).

https://myintracomm.ec.europa.eu/corp/budget/financial-rules/procurement/Pages/model-contracts.aspx.