5.5.5. An t-innéacs
Is éard atá san innéacs liosta mionsonraithe ina n-aicmítear, abháir, ainmneacha daoine, logainmneacha, ócáidí, eochairfhocail, etc. a luaitear i saothar agus ina sonraítear an áit ina bhfuil siad sa saothar sin.
Is éard atá san innéacs liosta mionsonraithe ina n-aicmítear, abháir, ainmneacha daoine, logainmneacha, ócáidí, eochairfhocail, etc. a luaitear i saothar agus ina sonraítear an áit ina bhfuil siad sa saothar sin.
Is féidir an t-innéacs a aicmiú de réir critéir éagsúla: an aibítir, an t-ábhar, an t-am, uimhreacha, etc.
Is minic a bhíonn roinnt fochórais aicmiúcháin faoi réir a chéile laistigh d’aon innéacs amháin.
Is féidir saininnéacs a thiomsú (innéacs údar, logainmneacha, etc.) nó gach eolas a bheith in aon innéacs ginearálta amháin.
Leagan amach na n-innéacsanna
Le linn an phróisis táirgthe, tar éis na leathanaigh a bheith leagtha amach, is faoin tseirbhís is údar atá sé an t-innéacs a chríochnú agus a sheiceáil (mar shampla, is é an t-údar atá freagrach as gach uimhir leathanaigh a sheiceáil in aghaidh gach iontrála).
Más i bhfoirm leabhrán ar leith a fhoilsítear innéacs an tsaothair, ní mór údar, teideal, dáta foilsithe an tsaothair, agus áit an fhoilsithe a lua i dteideal an leabhráin, díreach mar atá siad ar an leathanach teidil.
I gcás teideal innéacs a ghabhann le tréimhseacháin nó le sraithfhoilseacháin, luaitear an teideal ina iomláine, uimhir an imleabhair agus an tréimhse a chlúdaíonn an t-innéacs.
I gcás tréimhseachán, moltar innéacsanna carnacha a chur le hinnéacsanna na n-imleabhar. Sa chás sin, ba cheart bliain agus uimhir an imleabhair a lua sna tagairtí.
Má tá gach leabhrán uimhrithe ar bhonn leithligh, ba cheart uimhir an leabhráin nó an dáta a bheith sa tagairt.
Ní mór na teidil reatha a bheith ar an dá thaobh de gach leathanach agus ní mór teideal an tsaothair agus an cineál innéacs a lua. Más innéacs an-mhór é, moltar túslitreacha an chéad fhocail agus an fhocail deiridh, nó na focail féin, a phriontáil sa chúinne uachtarach agus ar imeall gach leathanaigh.
Más ag tús an fhoilseacháin atá an t-innéacs, ní mór an t-uimhriú leathanach a bheith éagsúil le huimhriú leathanach an chuid eile den téacs.
Ní mór innéacsanna tréimhseachán nó sraithfhoilseachán eile a fhoilsiú de réir imleabhair, agus, a oiread is praiticiúil, uair sa bhliain. Ar an gcuma céanna, ní mór innéacsanna carnacha a fhoilsiú go tráthrialta.