5.9.4. Tagairtí bibleagrafaíocha

Tagairt do shaothar iomlán

Ba cheart an t-ord eilimintí seo a leanas a ghlacadh, agus camóg idir gach eilimint ar leith:

1. údar nó eagarthóir (léirítear ról an eagarthóra le ‘(ed.)’ nó ‘(eds)’):
   • údar corparáideach agus/nó
   • sloinne agus túslitir/túslitreacha nó céadainm an údair;
2. teideal an tsaothair i gcló iodálach agus, i gcás inarb iomchuí, uimhir an eagráin;
3. an foilsitheoir, áit an fhoilsithe (roghnach), bliain an fhoilsithe, etc.;
4. má tá sé ar fáil, aitheantóir seasmhach i bhfoirm aitheantóir aonfhoirmeach acmhainne (URI), aitheantóir oibiachta digití (DOI) mar shampla:

Tagairt do chuid de shaothar (píosa nó caibidil)

Ba cheart an t-ord eilimintí seo a leanas a ghlacadh, agus camóg idir gach eilimint ar leith:

1. údar:
   • údar corparáideach agus/nó
   • sloinne agus túslitir/túslitreacha nó céadainm an údair;
2. teideal an phíosa nó na caibidle, laistigh de chomharthaí athfhriotail;
3. eagarthóir an tsaothair, ‘in:’ roimhe, agus ‘(ed.)’ (nó ‘(eds)’) dá éis sin:
4. teideal an tsaothair i gcló iodálach agus, i gcás inarb iomchuí, uimhir an eagráin;
5. an foilsitheoir, áit an fhoilsithe, bliain an fhoilsithe (roghnach), leathanach/leathanaigh ábhartha, etc.;
6. má tá sé ar fáil, aitheantóir seasmhach i bhfoirm URI, aitheantóir oibiachta digití mar shampla:

Tagairt do shraithfhoilseachán nó do chuid de shraithfhoilseachán

Ba cheart an t-ord eilimintí seo a leanas a ghlacadh, agus camóg idir gach eilimint ar leith:

1. má tá sé ar fáil, an t-údar:
   • údar corparáideach agus/nó
   • sloinne agus túslitir/túslitreacha nó céadainm an údair;
2. i gcás inarb iomchuí, teideal an ailt nó an eagráin iomláin, laistigh de chomharthaí athfhriotail;
3. teideal an tsrathfhoilseacháin i gcló iodálach;
4. an líon nó an dáta;
5. an foilsitheoir (roghnach), áit an fhoilsithe (roghnach), bliain an fhoilsithe, leathanach/leathanaigh ábhartha, etc.;
6. má tá sé ar fáil, aitheantóir seasmhach i bhfoirm URI, aitheantóir oibiachta digití mar shampla:

Tagairt do litríocht liath (páipéir oibre, tuarascálacha, miontuairiscí cruinnithe, etc.)

Ba cheart an t-ord eilimintí seo a leanas a ghlacadh, agus camóg idir gach eilimint ar leith:

1. údar:
   • údar corparáideach agus
   • i gcás inarb iomchuí, sloinne agus túslitir/túslitreacha nó céadainm an údair;
2. teideal an doiciméid, laistigh de chomharthaí athfhriotail;
3. uimhir an doiciméid/tagairt chláir;
4. dáta an doiciméid;
5. seoladh URI/URL (má tá sé ar fáil):

Tagairt do thacar sonraí

Ba cheart an t-ord eilimintí seo a leanas a ghlacadh, agus camóg idir gach eilimint ar leith:

1. údar:
   • údar corparáideach agus/nó
   • sloinne agus túslitir/túslitreacha nó céadainm an údair;
2. teideal an tacair sonraí, laistigh de chomharthaí athfhriotail;
3. uimhir leagain/eagráin (i gcás inarb iomchuí);
4. foilsitheoir, murab eisean an t-údar;
5. dáta an fhoilsithe:
   • dáta a cruthaíodh nó
   • má nuashonraíodh an fhoinse, dáta an nuashonraithe agus, idir lúibíní, dáta a cruthaíodh;
6. dáta an lua (an dáta a bhfuarthas rochtain ar an bhfoinse);
7. aitheantóir marthanach i bhfoirm URI, aitheantóir oibiachta digití mar shampla nó aitheantóir marthanach agus inréitithe eile a bhainistíonn an soláthraí sonraí:

Tagairt do leathanach gréasáin

Ba cheart an t-ord eilimintí seo a leanas a ghlacadh, agus camóg idir gach eilimint ar leith:

1. údar:
   • údar corparáideach agus/nó
   • sloinne agus túslitir/túslitreacha nó céadainm an údair;
2. teideal an leathanaigh gréasáin, laistigh de chomharthaí athfhriotail;
3. teideal an tsuímh gréasáin;
4. má tá siad ar fáil, dáta an fhoilsithe:
   • dáta a cruthaíodh nó
   • má nuashonraíodh an fhoinse, dáta an nuashonraithe agus, idir lúibíní, dáta a cruthaíodh;
5. dáta an lua (an dáta a bhfuarthas rochtain ar an bhfoinse);
6. an seoladh URI/URL:

Tagairt do phostáil ar na meáin shóisialta

Ba cheart an t-ord eilimintí seo a leanas a ghlacadh, agus camóg idir gach eilimint ar leith:

1. údar:
   • údar corparáideach nó
   • sloinne agus túslitir/túslitreacha nó céadainm an údair;
2. céannacht an údair ar na meáin shóisialta leis an ainm meán sóisialta roimhe mar aon le hidirstad, idir lúibíní;
3. teideal nó ábhar (giorraithe) na postála, laistigh de chomharthaí athfhriotail;
4. i gcás athphostála, ainm agus céannacht meán sóisialta an údair bunaidh;
5. dáta an fhoilsithe;
6. dáta an lua (an dáta a bhfuarthas rochtain ar an bhfoinse);
7. an seoladh URI/URL:

Tagairtí laistigh den téacs

I gcás tagairtí laistigh den téacs baintear úsáid as sloinne an údair/ainm an údair chorparáidigh agus bliain an fhoilsithe, amhail ‘(Barrett, 1991)’.

I gcás ina bhfuil dhá fhoilseachán nó níos mó in aon bhliain amháin ó údar atá luaite, leanann ‘a’, ‘b’, ‘c’ etc., gan spás, amhail ‘(Barrett, 1991a)’.

Sa chás sin, cuirtear an bhliain sa dara háit sna hiontrálacha sa leabharliosta, idir lúibíní, agus ní chuirtear san áit dheireanach ná san áit leathdheireanach iad:

Ginearálta

I dtagairtí do shaothair ó roinnt údar luaitear údair uile an tsaothair nuair atá cúig údar nó níos lú ann san iomlán (an t-údar corparáideach san áireamh), nó na chéad chúig údar agus ‘et al.’ nuair atá níos mó ná cúig údar i gceist san iomlán:

Ar mhaithe le simplíocht, is iad na gnáthfhocail ghiorraithe agus na gnáthchoimriúcháin a úsáidtear: lch., Iml., etc. (féach Iarscríbhinn A3). Ní mór gach nóta míniúcháin – uimhir an eagráin, áit an fhoilsithe, etc. – a bheith i nGaeilge.