6.5. Poncaíocht i bhfigiúirí

Úsáidtear pointe chun slánuimhreacha a dhealú ó dheachúlacha, seachas san Iris Oifigiúil, agus úsáidtear spás chun slánuimhreacha a dhealú ó na mílte.

I dtéacsanna i mBéarla, i nGaeilge agus i Máltais, seachas san Iris Oifigiúil, úsáidtear ponc chun slánuimhreacha a dheighilt ó dheachúlacha. Is camóg a úsáidtear chuige sin i ngach teanga eile agus i dtéacsanna ilteangacha. Spás seachas camóg a úsáidtear chun mílte a léiriú ina slánuimhreacha. In aon bhloc amháin a ghrúpáiltear deachúlacha:

San Iris Oifigiúil, is camóg a úsáidtear chun slánuimhreacha a dheighilt ó dheachúlacha; déantar é sin ar chúiseanna teicniúla agus chun an próiseas clódóireachta a éascú.

Sonraí a bhaineann leis an mbuiséad: milliún nó billiún

I nGaeilge, ciallaíonn billiún 1 000 milliún (féach Pointe 10.3).

Nuair is gá déileáil le sonraí a bhaineann leis an mbuiséad, moltar na foirmeacha seo a leanas a úsáid:

• suas go dtí trí ionad dheachúlacha, cloítear leis an aonad cuí:

  1.326 billiún (ná scríobhtar 1 326 mhilliún)

• níos mó ná trí ionad dheachúlacha, baintear úsáid as an aonad is lú:

  1 326.1 milliún (ná scríobhtar 1.3261 billiún)

Tá sé níos éasca, mar sin, na huimhreacha a léamh agus comparáid a dhéanamh eatarthu.