8.1. Tagairtí d’fhonótaí

Is féidir tagairtí d’fhonótaí a thaispeáint mar fhigiúirí, mar réiltíní agus mar litreacha, agus is ionann iad i ngach leagan teanga.

Úsáidtear an fhormáid chéanna i ngach teanga sna tagairtí d’fhonótaí; is féidir na foirmeacha seo a leanas a úsáid agus tagairt á déanamh d’fhonótaí:

• figiúr i bhforscript idir lúibíní (níl na lúibíní i bhforscript)s. Cuirtear spás caol roimh an bhfigiúr agus cuirtear aon phoncaíocht is gá ina dhiaidh:

  Tá tagairtí don Rialachán ón gCoimisiún(¹) le feiceáil freisin sa teachtaireacht ón gComhairle(²); ach níl sé i dtéacs na Cúirte Breithiúnais(³).

  Chun sonraí iomlána a fháil, féach staidéar an chonraitheora sheachtraigh (‘an staidéar’)(¹).

  Sa chomhairliúchán poiblí, dúirt go leor páirtithe leasmhara go raibh an cur chuige ‘róchasta’(²).

• réiltín idir lúibíní le spás caol roimhe agus an phoncaíocht is gá ina dhiaidh; úsáidtear an comhartha sin le haghaidh nóta i dtéacs a ndéantar tagairt dó níos mó ná uair amháin agus a mbíonn an bhrí chéanna leis i gcónaí:

  0154030	Cuiríní (iad dubh, dearg agus bán)	0,01(*)	2(*)
  0154040	Spíonáin (iad glas, dearg agus buí)	0,01(*)	0,1(*)
  0154050	Mogóirí róis	0,01(*)	0,01(*)
  0154060	Maoildearga (iad dubh agus bán)	0,01(*)	0,01(*)

  (*)

  Léiríonn an íosteorainn an chinnidh anailísigh.

  NB:

  San Iris Oifigiúil, úsáidtear réiltíní i ngníomhartha leasaitheacha chun fonótaí a léiriú sa téacs atá á leasú. Déantar na fonótaí sin a fhormáidiú mar ghnáththéacs, i.e. ní úsáidtear feidhm an fhonóta agus ní bhíonn na réiltíní i bhforscríbhinn. Cuirtear na fonótaí faoin téacs leasaithe.

  Leasaítear Rialachán Cur Chun Feidhme (AE) 2019/1793 mar a leanas:

  1. leasaítear Airteagal 3 mar a leanas:

     1. cuirtear an méid seo a leanas in ionad phointe (a):

        ‘(a)

        i gcás bia a liostaítear in Iarscríbhinní I agus II mar gheall ar an riosca éillithe a d’fhéadfadh a bheith ann ó mhíceatocsainí, lena n-áirítear aflatocsainí, déanfar an tsampláil agus na hanailísí i gcomhréir le Rialachán Cur Chun Feidhme (AE) 2023/2782 ón gCoimisiún (*);

        (*)

        Rialachán Cur Chun Feidhme (AE) 2023/2782 ón gCoimisiún an 14 Nollaig 2023 lena leagtar síos na modhanna samplála agus anailíse chun rialú a dhéanamh ar na leibhéil míceatocsainí i mbia agus lena n-aisghairtear Rialachán (CE) Uimh. 401/2006 (IO L, 2023/2782, 15.12.2023, ELI: http://data.europa.eu/eli/reg_impl/2023/2782/oj).’;

     2. scriostar pointe (d);

• ná húsáidtear litir forscripte sa chás íochtair ach amháin i dtáblaí. Déantar é seo chun earráidí agus mearbhall a sheachaint sna táblaí ina n-úsáidtear figiúirí i gcló an-bheag:

  Códuimhir	Grúpaí agus samplaí de tháirgí aonair a bhfuil feidhm ag na MRLanna maidir leo (a)	Feanbúconasól (an tsuim d’eanantaiméirí comhábhartha)	Peanconasól (an tsuim d’isiméirí comhábhartha) (F)
  (1)	(2)	(3)	(4)
  0100000	TORTHAÍ, iad ÚR nó REOITE; CNÓNNA CRANN

  (^a)

  Chun liosta iomlán na dtáirgí ar de bhunadh ainmhíoch agus plandaí iad a bhfuil feidhm ag na MRLanna maidir leo a fheiceáil, ba cheart Iarscríbhinn I a cheadú.

Cuirtear tagairt d’fhonóta (na lúibíní san áireamh) i ngnáthchló rómhánach (fiú má tá an téacs nó an teideal scríofa i gcló iodálach nó i gcló trom).

Nuair a bhíonn tagairt d’fhonóta i dtábla, ní mór an nóta a chur laistigh den tábla sin.