8.2. Ord na bhfonótaí

Tá ord na bhfonótaí agus na n-eilimintí eile ag bun an leathanaigh mar an gcéanna i ngach leagan teanga.

Is féidir réiltín, an giorrúchán ‘NB’ nó na focail ‘foinse’ agus ‘foinsí’ a bheith freisin ag bun an leathanaigh.

Tá an t-ord mar an gcéanna i ngach teanga:

(*)

Cinneadh eatramhach ón gCoimisiún.

(1)

Tagann na praghsanna sin ó laghdú uasta a chur i bhfeidhm.

(2)

Méadaítear an praghas sin le préimh speisialta don bhliain mhargaíochta reatha.

NB: Figiúirí sealadacha.

Foinse: An Coimisiún Eorpach, Ard-Stiúrthóireacht na Talmhaíochta agus na Forbartha Tuaithe.

NB:
  • Scartar nótaí uimhrithe (lena n-áirítear nóta a bhfuil réiltín roimhe) ó chéile le spásáil línte chaol.
  • Cuirtear lánstad ag deireadh fonótaí i gcónaí.

I gcás fonótaí comhionanna, d’fhoilseacháin seachas an Iris Oifigiúil, úsáidtear an fhoirmle ‘féach nóta x, leathanach y’ seachas na téarmaí idem nó ibidem a d’fhéadfadh mearbhall a chur ar dhaoine. Atáirgfidh an profléitheoir an fonóta ina iomláine nó cuirfidh sé nó sí an t-uimhriú ceart sa phrofa.

San Iris Oifigiúil, atáirgtear téacs fonótaí comhionanna ina iomláine gach uair a luaitear iad.