9.1.2. Seoltaí i ndoiciméid aonteangacha

Post a bhfuil a cheann scríbe i dtír a úsáideann an aibítir rómhánach

I saothair aonteangacha de chuid institiúidí, chomhlachtaí agus ghníomhaireachtaí an Aontais Eorpaigh, is iondúil go dtugtar na seoltaí i dteanga an fhoilseacháin nó i dteanga na tíre as a bhfuiltear ag seoladh. Is fíor é seo go háirithe i gcás ainmneacha bailte agus tíortha:

Féadtar freisin, áfach, an t-eolas a thagann roimh ainm an bhaile agus ainm na tíre a thabhairt i dteanga na tíre is ceann scríbe; is fearr an leagan amach sin a úsáid mar tá sé níos soiléire do sheirbhísí poist na tíre is ceann scríbe:

D’fhonn fadhbanna a sheachaint le linn idirthuras trí thír eile, moltar ainm na tíre is ceann scríbe (agus ainm an bhaile freisin fiú) a chur leis an seoladh i dteanga atá inaitheanta go hidirnáisiúnta. Mar shampla, i gcás post a sheoltar ón bPolainn go dtí an Ghearmáin:

I saothair i mBulgáiris agus i nGréigis, scríobhtar seoltaí i gcarachtair rómhánacha, i dteanga na tíre is ceann scríbe más féidir nó i mBéarla ina éagmais sin.

Post a bhfuil a cheann scríbe i dtríú tír nach n-úsáideann an aibítir rómhánach

I gcás post a chuirtear chuig tríú tír a úsáideann aibítir eile (an tSeapáin, an tSín, tíortha a úsáideann aibítir na hAraibise, etc.), scríobhtar an seoladh, seoladh na tíre go háirithe, i dteanga atá inaitheanta go hidirnáisiúnta (i mBéarla go minic); féadtar an chuid sin den seoladh a bhaineann leis an tsráid a scríobh san aibítir rómhánach:

Post a bhfuil a cheann scríbe i mBallstát den Aontas nach n-úsáideann an aibítir rómhánach (an Bhulgáir, an Ghréig agus an Chipir)

I saothair Ghaeilge, tugtar seoltaí ar phost a bhfuil a cheann scríbe sa Bhulgáir, sa Ghréig nó sa Chipir i gcarachtair rómhánacha (agus ainm na sráide traslitrithe ó Bhéarla más gá).

I saothair i mBulgáiris agus i nGréigis, ní mór ainm an bhaile agus ainm na tíre a chur leis i gcarachtair rómhánacha (traslitriú Béarla).

Cás ar leith: réigiún na Bruiséile

I saothair de chuid institiúidí, chomhlachtaí agus ghníomhaireachtaí an Aontais Eorpaigh, leagtar amach seoltaí le haghaidh post a bhfuil a cheann scríbe i réigiún dátheangach na Bruiséile de réir na rialacha seo a leanas:

Seoltaí i dtíortha ina labhraítear Fraincis

Sa Bheilg, sa Fhrainc agus i Lucsamburg, leagtar amach ainm agus uimhir na sráide bunaithe ar phrionsabail éagsúla agus ba cheart aird a thabhairt ar na prionsabail sin.