9.5.1. Na hinstitiúidí agus na comhlachtaí

Ní mór na hinstitiúidí agus na comhlachtaí a liostú de réir an oird prótacail.

Ní mór na hinstitiúidí agus na comhlachtaí a liostú de réir an oird prótacail.

Sa liosta thíos tugtar na teidil oifigiúla de réir an oird prótacail ón 1 Nollaig 2009 (dáta theacht i bhfeidhm Chonradh Liospóin). Sa tábla a leanann an liosta, tugtar an teideal ba cheart a úsáid de réir an fhoilseacháin chomh maith leis an ngiorrúchán ábhartha agus suíomh na hinstitiúide nó an chomhlachta.

tip:

Féach freisin Iarscríbhinn A9 — Na hinstitiúidí, na comhlachtaí, na seirbhísí idirinstitiúideacha agus na heagraíochtaí: liosta ilteangach

(a) Na hinstitiúidí

Parlaimint na hEorpa
an Chomhairle Eorpach
- Uachtarán na Comhairle Eorpaí
Comhairle an Aontais Eorpaigh
an Coimisiún Eorpach
Cúirt Bhreithiúnais an Aontais Eorpaigh
- an Chúirt Bhreithiúnais
- an Chúirt Ghinearálta
  NB:
  An 1 Meán Fómhair 2016 tháinig deireadh le Binse na Seirbhíse Sibhialta, a bunaíodh in 2004 tar éis aistriú a dlínse chuig an gCúirt Ghinearálta.
an Banc Ceannais Eorpach
Cúirt Iniúchóirí na hEorpa

info:

Tabhair faoi deara na difríochtaí idir na trí Chomhairle

San Aontas Eorpach

An Chomhairle Eorpach

Tagann na Ceannairí Stáit nó Rialtais (an tUachtarán nó an Príomh-Aire) agus Uachtarán an Choimisiúin Eorpaigh le chéile, i bprionsabal, ceithre huaire in aghaidh na bliana. Tugtar ‘cruinnithe mullaigh’ ar na cruinnithe seo freisin. Is í an Chomhairle Eorpach a leagann síos treoirlínte polaitiúla ginearálta an Aontais.

Comhairle an Aontais Eorpaigh

Tagann Airí na mBallstát le chéile go rialta laistigh de Chomhairle an Aontais Eorpaigh. Is iad na hAirí a bhíonn i láthair ná na hAirí a bhfuil an fhreagracht orthu maidir leis an ábhar a bhíonn á phlé acu ag an gcruinniú. Is í príomhchomhlacht an Aontais í maidir le cinntí a dhéanamh agus leis an reachtaíocht Eorpach a chinneadh.

Lasmuigh den Aontas Eorpach

Comhairle na hEorpa

Is eagraíocht idir-rialtasach í agus ní institiúid de chuid an Aontais Eorpaigh í.

(b) Comhlacht beartais eachtraigh

an tSeirbhís Eorpach Gníomhaíochta Seachtraí
- Ardionadaí an Aontais do Ghnóthaí Eachtracha agus don Bheartas Slándála

(c) Comhlachtaí comhairleacha

(d) Comhlachtaí eile

Table 1. Na hinstitiúidí agus na comhlachtaí: na teidil dhifriúla
Ainm fada	Ainm gearr(¹)	Giorrúchán	Suíomh na hoifige
Parlaimint na hEorpa	an Pharlaimint	PE	Strasbourg(²)
an Chomhairle Eorpach	—	—	an Bhruiséil
Comhairle an Aontais Eorpaigh	an Chomhairle NB: Gnáthainm: Comhairle na nAirí Comhairle [na nAirí] … e.g. talmhaíocht: Comhairle [na nAirí] Talmhaíochta	—	an Bhruiséil
an Coimisiún Eorpach	an Coimisiún	—	an Bhruiséil(³)
Cúirt Bhreithiúnais an Aontais Eorpaigh (institiúid)	an Chúirt Bhreithiúnais	CBAE	Lucsamburg
an Chúirt Bhreithiúnais (céim)	an Chúirt	—	Lucsamburg
an Chúirt Ghinearálta	—	—	Lucsamburg
an Banc Ceannais Eorpach	an Banc Ceannais Eorpach	BCE	Frankfurt am Main
Cúirt Iniúchóirí na hEorpa(⁴) San Iris Oifigiúil: an Chúirt Iniúchóirí	an Chúirt Iniúchóirí, an Chúirt	—	Lucsamburg
an tSeirbhís Eorpach Gníomhaíochta Seachtraí	—	SEGS	an Bhruiséil
Coiste Eacnamaíoch agus Sóisialta na hEorpa	an Coiste	CESE(⁵)	an Bhruiséil
Coiste Eorpach na Réigiún(⁶) San Iris Oifigiúil, Sraith L: Coiste na Réigiún	an Coiste	—	an Bhruiséil
an Banc Eorpach Infheistíochta	an Banc	BEI	Lucsamburg
an tOmbudsman Eorpach	an tOmbudsman	—	Strasbourg(⁷)
an Maoirseoir Eorpach ar Chosaint Sonraí	an Maoirseoir Eorpach, an Maoirseoir	MECS	an Bhruiséil
an Bord Eorpach um Chosaint Sonraí	an Bord Eorpach, an Bord	EDPB	an Bhruiséil
Oifig an Ionchúisitheora Phoiblí Eorpaigh	—	OIPE	Lucsamburg
an Lárionad Eorpach um Inniúlachtaí Tionsclaíochta Cibearshlándála, Teicneolaíochta Cibearshlándála agus Taighde Cibearshlándála	—	—	Búcairist

(¹)

Ná húsáidtear an fhoirm ghiorraithe ach amháin nuair a bhíonn sé soiléir cén institiúid atá i gceist (go háirithe ‘Cúirt’ agus ‘Coiste’). Ní mór an fhoirm fhada a úsáid nuair a luaitear an t-ainm den chéad uair.

(²)

Is é Strasbourg suíomh na Parlaiminte. Tionóltar seisiúin bhreise na Parlaiminte sa Bhruiséil. Is é Lucsamburg suíomh na hArdrúnaíochta.

(³)

Is í an Bhruiséil suíomh an Choimisiúin ach tá cuid dá sheirbhísí lonnaithe i Lucsamburg.

(⁴)

Úsáidtear ‘Cúirt Iniúchóirí na hEorpa’ de ghnáth. I gcomhthéacs dlíthiúil úsáidtear an teideal oifigiúil ‘Cúirt Iniúchóirí an Aontais Eorpaigh’ (roimh 1.12.2009: ‘Cúirt Iniúchóirí na gComhphobal Eorpach’). Is annamh a fheictear an teideal seo, áfach, sna téacsanna. San Iris Oifigiúil úsáidtear an fhoirm ghearr ‘an Chúirt Iniúchóirí’.

(⁵)

Ná húsáidtear Ecosoc ná an fhoirm ghearr ‘an Coiste Eacnamaíoch agus Sóisialta’ ná an giorrúchán CES.

(⁶)

Is é ‘Coiste Eorpach na Réigiún’ an gnáthainm a úsáidtear. Ní mór ‘Coiste na Réigiún’, an t-ainmniú oifigiúil a úsáid i dtéacsanna dlíthiúla agus i Sraith L d’Iris Oifigiúil an Aontais Eorpaigh.

(⁷)

Is ag suíomh Pharlaimint na hEorpa atá suíomh an Ombudsman Eorpaigh.