Fógra dlíthiúil

1. Réamhrá

Tá an Coimisiún Eorpach (dá ngairtear ‘an Coimisiún’ anseo feasta) tiomanta do do shonraí pearsanta a chosaint agus do do phríobháideachas a urramú. Déanann an Coimisiún sonraí pearsanta a bhailiú agus a phróiseáil a thuilleadh de bhun Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin.

Sa ráiteas príobháideachais seo, mínítear an fáth a bpróiseálaimid do shonraí pearsanta, an dóigh a ndéanaimid na sonraí pearsanta ar fad a thugtar dúinn a bhailiú, a láimhseáil agus a chosaint, an chaoi a n-úsáidtear iad, agus na cearta atá agat maidir le do shonraí pearsanta. Tugtar ann freisin sonraí teagmhála an Rialaitheora Sonraí atá freagrach agus lenar féidir leat do chearta a fheidhmiú, sonraí teagmhála an Oifigigh Cosanta Sonraí agus sonraí teagmhála an Mhaoirseora Eorpaigh ar Chosaint Sonraí.

Anseo thíos tá an t-eolas maidir leis an bpróiseáil ar ‘Suíomh gréasáin na Treorach Stíle Idirinstitiúidí’, rud a dhéanann Aonad A.1 ‘Seirbhísí um Chaighdeánú Sonraí agus Formáidí’ de chuid Oifig Foilseachán an Aontais Eorpaigh.

2. Cén fáth agus cén chaoi a bpróiseálaimid do shonraí pearsanta?

Cuspóir na hoibríochta próiseála: Aonad A.1 de chuid Oifig na bhFoilseachán, is é sin an t-aonad ‘Seirbhísí um Chaighdeánú Sonraí agus Formáidí’, déanann sé do shonraí pearsanta a bhailiú agus a úsáid chun freagra a thabhairt ar aon cheist nó aon bharúil a bheadh seolta agat chuig foireann An Treoir Stíle Idirinstitiúideach trí úsáid a bhaint as ceann de na seoltaí ríomhphoist teagmhála atá curtha ar fáil.

Ina theannta sin, má chláraíonn tú chun nuachtlitir na Treorach Stíle Idirinstitiúidí a fháil, stórálfar do sheoladh ríomhphoist chun na críche sin.

Ní úsáidfear do shonraí pearsanta le haghaidh cinnteoireacht uathoibrithe, próifíliú san áireamh.

3. Cad iad na forais dlí ar a ndéanaimid do shonraí pearsanta a phróiseáil?

Déanaimid do shonraí pearsanta a phróiseáil ar na cúiseanna seo a leanas:

• is gá an phróiseáil a dhéanamh chun cúram a chur i gcrích a dhéantar ar mhaithe le leas an phobail nó i bhfeidhmiú údaráis oifigiúil atá dílsithe don institiúid nó don chomhlacht de chuid an Aontais;
• is ionann do theachtaireacht a sheoladh agus toiliú go ndéanfar do shonraí pearsanta a phróiseáil chun freagra a thabhairt ar do cheist.

Bunús dlí breise:

Cinneadh 2009/496/CE, Euratom ó Pharlaimint na hEorpa, ón gComhairle, ón gCoimisiún, ón gCúirt Bhreithiúnais, ón gCúirt Iniúchóirí, ó Choiste Eacnamaíoch agus Sóisialta na hEorpa agus ó Choiste na Réigiún an 26 Meitheamh 2009 maidir le heagrú agus le hoibriú Oifig Foilseachán an Aontais Eorpaigh, go háirithe Airteagal 5(1)(b) de.

4. Cé na sonraí pearsanta a bhailímid agus a phróiseálaimid?

Is iad na catagóirí seo a leanas de shonraí pearsanta a bhailíonn Aonad A.1, an t-aonad ‘Seirbhísí um Chaighdeánú Sonraí agus Formáidí’, de chuid Oifig na bhFoilseachán:

I gcás ceisteanna/barúlacha a sheol úsáideoirí:

• do sheoladh ríomhphoist,
• d’ainm agus do shloinne, más rud é go bhfuil siad sin curtha in iúl agat i do sheoladh ríomhphoist,
• aon sonraí pearsanta eile a bheadh curtha ar fáil agat i do theachtaireacht.

I gcás síntiúis leis an nuachtlitir:

• do sheoladh ríomhphoist.

Agus tú ag dul i dteagmháil le foireann na Treorach Stíle Idirinstitiúidí, ní gá a chur ar fáil ach do sheoladh ríomhphoist.

Ina theannta sin, agus leathanach na Treorach Stíle á úsáid agat, féadfaidh tú próifíl úsáideora a chruthú agus do chuid sainroghanna taispeána a shábháil, sa chaoi go stórálfar iad ar Thairseach Oifig na bhFoilseachán (féach freisin ráiteas príobháideachais Thairseach Oifig na bhFoilseachán). Chuige sin, bailíonn Oifig na bhFoilseachán na catagóirí seo a leanas de shonraí pearsanta:

• do sheoladh ríomhphoist,
• aon sainrogha eile a d’fhéadfadh a bheith socraithe agat (e.g. an teanga taispeána).

5. Cá fhad a choinneoimid do shonraí pearsanta?

Aonad A.1, an t-aonad ‘Seirbhísí um Chaighdeánú Sonraí agus Formáidí’, d’Oifig na bhFoilseachán, ní choinneoidh siad do shonraí pearsanta ach a fhad is gá chun freagra a thabhairt ar cheist, is é sin le rá, ar feadh 6 mhí ar a mhéad. Maidir le do phróifíl úsáideora, is nuair a bheidh 3 bliana caite ó bhí tú gníomhach go deireanach a scriosfar na sonraí.

6. Cén chaoi a gcosnaímid do shonraí pearsanta?

Déantar na sonraí pearsanta uile atá i bhformáid leictreonach (ríomhphoist, doiciméid, bunachair sonraí, baisceanna sonraí uaslódáilte, etc.) a stóráil ar fhreastalaithe an Choimisiúin. Déantar na hoibríochtaí próiseála go léir de bhun Chinneadh (AE, Euratom) 2017/46 ón gCoimisiún an 10 Eanáir 2017 maidir le slándáil córas cumarsáide agus faisnéise sa Choimisiún Eorpach.

Chun do shonraí pearsanta a chosaint, tá bearta teicniúla agus eagraíochtúla curtha i bhfeidhm ag an gCoimisiún. Ar na bearta teicniúla sin tá gníomhartha iomchuí chun aghaidh a thabhairt ar an tslándáil ar líne, ar an mbaol go gcaillfí sonraí, go ndéanfaí sonraí a athrú nó go mbeadh rochtain neamhúdaraithe orthu, lena gcuirtear san áireamh an riosca atá i gceist leis an bpróiseáil agus na cineálacha sonraí pearsanta atá á bpróiseáil. Ar na bearta eagraíochtúla, tá cead rochtana ar na sonraí a theorannú do dhaoine údaraithe amháin a bhfuil gá dlisteanach acu leo chun críocha na hoibríochta próiseála seo.

7. Cé aige a mbeidh rochtain ar do shonraí pearsanta agus cé dó a nochtfar iad?

Tugtar rochtain ar do shonraí pearsanta d'fhostaithe an Choimisiúin atá freagrach as an oibríocht phróiseála sin a fheidhmiú agus do na baill foirne atá údaraithe de réir an phrionsabail ‘ar bhonn riachtanais eolais’. Tá ceangal ar na baill foirne sin cloí le comhaontuithe reachtúla rúndachta, agus nuair is gá, le comhaontuithe breise rúndachta.

8. Cad iad na cearta atá agat agus cén chaoi a bhfeidhmítear iad?

Tá cearta sonracha agat mar ‘ábhar sonraí’ faoi Chaibidil III (Airteagail 14–25) de Rialachán (AE) 2018/1725, go háirithe an ceart rochtain a bheith agat ar do shonraí pearsanta iad a cheartú nó a scriosadh agus an ceart chun srian a chur ar phróiseáil do shonraí pearsanta. Nuair is infheidhme, tá an ceart agat agóid a dhéanamh i gcoinne na próiseála agus tá an ceart agat maidir le hiniomparthacht sonraí.

Tá toilithe agat do shonraí pearsanta a chur ar fáil d’Aonad A.1, ‘Seirbhísí um Chaighdeánú Sonraí agus Formáidí’ de chuid Oifig na bhFoilseachán le haghaidh na hoibríochta próiseála reatha. Is féidir leat do thoiliú a tharraingt siar am ar bith ach fógra a thabhairt don Rialaitheoir Sonraí. Ní dhéanfaidh an tarraingt siar difear do dhlíthiúlacht na próiseála a rinneadh sular tharraing tú siar an toiliú.

Is féidir leat do chuid ceart a fheidhmiú ach teagmháil a dhéanamh leis an Rialaitheoir Sonraí, nó, i gcás easaontais, leis an Oifigeach Cosanta Sonraí. Más gá, is féidir leat dul i dteagmháil leis an Maoirseoir Eorpach ar Chosaint Sonraí freisin. Tá sonraí teagmhála an Maoirseora le fáil faoi Cheannteideal 9 thíos.

I gcás inar mhaith leat do chuid ceart a fheidhmiú i gcomhthéacs oibríochta próiseála ar leith amháin nó roinnt díobh tabhair tuairisc orthu (i.e. a dtagairtí taifid mar atá sonraithe faoi Cheannteideal 10 thíos) i d’iarratas.

9. Sonraí teagmhála

An Rialaitheoir Sonraí

Dá mba mhaith leat do chearta a fheidhmiú faoi Rialachán (AE) 2018/1725, nó má tá tuairimí, ceisteanna nó ábhair imní agat, nó dá mba mhaith leat gearán a dhéanamh faoi bhailiú agus úsáid do shonraí pearsanta, déan teagmháil leis an Rialaitheoir Sonraí, Oifig Foilseachán an Aontais Eorpaigh, Aonad A.1, ‘Seirbhísí um Chaighdeánú Sonraí agus Formáidí’: info@publications.europa.eu.

Oifigeach Cosanta Sonraí (OCS) an Choimisiúin

Féadfaidh tú dul i dteagmháil leis an Oifigeach Cosanta Sonraí (data-protection-officer@ec.europa.eu) maidir le ceisteanna a bhaineann le próiseáil do shonraí pearsanta faoi Rialachán (AE) 2018/1725.

An Maoirseoir Eorpach ar Chosaint Sonraí

Tá an ceart agat dul ar iontaoibh an Mhaoirseora Eorpaigh ar Chosaint Sonraí (edps@edps.europa.eu) (i.e. gearán a dhéanamh leis) má mheasann tú gur sáraíodh do chearta faoi Rialachán (AE) 2018/1725 mar thoradh ar phróiseáil do shonraí pearsanta ag an Rialaitheoir Sonraí.

10. Cá háit a bhfuil eolas mionsonraithe le fáil?

Gach oibríocht phróiseála a dhéanfaidh an Coimisiún i leith sonraí pearsanta, arb oibríochtaí iad atá doiciméadaithe agus a cuireadh in iúl don Oifigeach Cosanta Sonraí, foilsítear iad i gClár Oifigeach Cosanta Sonraí (OCS) an Choimisiúin.

Tá an oibríocht phróiseála shonrach sin curtha le clár poiblí an Oifigigh Cosanta Sonraí agus an tagairt taifid seo a leanas ag gabháil léi: DPR-EC-02106.