1.2.3. Il-kontenut

(a) Regolamenti

F’din is-subintestatura nsibu regolamenti adottati b’mod konġunt mill-Parlament Ewropew u l-Kunsill (il-proċedura leġiżlattiva ordinarja), jew individwalment minn waħda miż-żewġ istituzzjonijiet, bil-parteċipazzjoni tal-istituzzjoni l-oħra (proċedura leġiżlattiva speċjali).

(b) Direttivi

F’din is-subintestatura nsibu direttivi adottati jew mill-Parlament Ewropew u l-Kunsill flimkien (il-proċedura leġiżlattiva ordinarja), jew individwalment mill-Kunsill, bil-parteċipazzjoni tal-Parlament Ewropew (proċedura leġiżlattiva speċjali):

(c) Deċiżjonijiet

F’din is-subintestatura nsibu deċiżjonijiet adottati jew mill-Parlament Ewropew u l-Kunsill flimkien (il-proċedura leġiżlattiva ordinarja), jew individwalment mill-Kunsill, bil-parteċipazzjoni tal-Parlament Ewropew (proċedura leġiżlattiva speċjali):

(d) Baġits

F'din is-subintestatura nsibu l-baġits annwali u baġits emendatorji tal-Unjoni Ewropea relatati, preċeduti bl-att li jadottahom definittivament, jiġu ppubblikati f’din it-taqsima:

In-numru jingħata lill-adozzjoni definittiva, jiġifieri lill-att li jsir qabel il-baġit annwali jew il-baġit emendatorju. Il-baġit annwali nnifsu ma jġorr miegħu l-ebda numru, filwaqt li l-baġits emendatorji jkollhom numru assenjat mill-awtur:

(a) Ftehimiet internazzjonali

F’dan il-kuntest, “Ftehimiet internazzjonali” (minn hawn ’il quddiem imsejħa ftehimiet) jinkludu dawk il-ftehimiet konklużi bejn l-Unjoni Ewropea u/jew il-Komunità Ewropea tal-Enerġija Atomika, konvenzjonijiet iffirmati mill-Istati Membri, ftehimiet, konvenzjonijiet u protokolli stabbiliti mir-Rappreżentanti tal-Gvernijiet tal-Istati Membri mlaqqgħin fil-Kunsill, ftehimiet interni bejn ir-Rappreżentanti tal-Gvernijiet tal-Istati Membri mlaqqgħin fil-Kunsill, ftehimiet f’forma ta’ Skambju ta’ Ittri, eċċ.

Il-ftehimiet, kif definiti hawn fuq, mhumiex innumerati. L-Uffiċċju tal-Pubblikazzjonijiet jassenjalhom biss in-numru tal-Ġurnal Uffiċjali (dan in-numru jidher fil-header tal-Ġurnal Uffiċjali).

F’din is-subintestatura nsibu:

• deċiżjonijiet li għandhom x’jaqsmu ma’ ftehim, u li għandhom it-test tal-ftehim mehmuż,

  Id-Deċiżjoni tal-Kunsill (UE) 2015/209 tal-10 ta’ Novembru 2014 dwar l-iffirmar, f’isem l-Unjoni Ewropea, u l-applikazzjoni provviżorja tal-Ftehim għal koperazzjoni xjentifika u teknoloġika bejn l-Unjoni Ewropea u l-Gżejjer Faeroe li jassoċja lill-Gżejjer Faeroe ma’ Orizzont 2020 — il-Programm Qafas għar-Riċerka u l-Innovazzjoni (2014-2020)

  Ftehim għal kooperazzjoni xjentifika u teknoloġika bejn l-Unjoni Ewropea u l-Gżejjer Faeroe li jassoċja lill-Gżejjer Faeroe ma’ Orizzont 2020 — il-Programm Qafas għar-Riċerka u l-Innovazzjoni (2014-2020)

  Id-Deċiżjoni tal-Kunsill (UE) 2015/105 tal-14 ta’ April 2014 dwar l-iffirmar, f’isem l-Unjoni, u l-applikazzjoni provviżorja ta’ Protokoll għall-Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom, minn parti waħda, u r-Repubblika tal-Azerbajġan, mill-parti l-oħra, dwar Ftehim Qafas bejn l-Unjoni Ewropea u r-Repubblika tal-Azerbajġan dwar il-prinċipji ġenerali għall-parteċipazzjoni tar-Repubblika tal-Azerbajġan fi programmi tal-Unjoni

  Protokoll għall-Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom, minn parti waħda, u r-Repubblika tal-Ażerbajġan, mill-parti l-oħra, dwar Ftehim Qafas bejn l-Unjoni Ewropea u r-Repubblika tal-Ażerbajġan dwar il-prinċipji ġenerali għall-parteċipazzjoni tar-Repubblika tal-Ażerbajġan fi programmi tal-Unjoni

• deċiżjonijiet li għandhom x’jaqsmu ma’ ftehim, iżda li ma għandhomx it-test tal-ftehim mehmuż,

  Id-Deċiżjoni tal-Kunsill (UE) 2015/1796 tal-1 ta’ Ottubru 2015 dwar il-konklużjoni tal-Ftehim għal kooperazzjoni xjentifika u teknoloġika bejn l-Unjoni Ewropea u l-Komunità Ewropea tal-Energija Atomika u l-Konfederazzjoni Żvizzera li jassoċja l-Konfederazzjoni Żvizzera ma’ Orizzont 2020 — il-Programm Qafas għar-Riċerka u l-Innovazzjoni u l-Programm ta’ Riċerka u Taħriġ tal-Komunità Ewropea tal-Enerġija Atomika li jikkumplimenta Orizzont 2020, u li jirregola l-parteċipazzjoni tal-Konfederazzjoni Żvizzera fl-attivitajiet ITER imwettqa minn Fużjoni għall-Enerġija

• informazzjoni li għandha x’taqsam mad-dħul fis-seħħ tal-ftehimiet.

  Informazzjoni relatata mad-dħul fis-seħħ tal-Ftehim bejn l-Unjoni Ewropea u Saint Lucia dwar l-eżenzjoni mill-viża għal soġġorn qasir [2023/2212]

  NB:

  Din tkun l-unika informazzjoni ppubblikata fis‑serje L.

(b) Regolamenti

F’din is-subintestatura nsibu ċerti regolamenti tal-Kunsill (regolamenti bbażati direttament fuq it-Trattati u r-regolamenti ta’ implimentazzjoni), regolamenti tal-Kummissjoni (regolamenti bbażati direttament fuq it-Trattati, ir-regolamenti delegati u ta’ implimentazzjoni) u regolamenti tal-Bank Ċentrali Ewropew:

Regolamenti tal-BĊE, li jkun diġà ngħatalhom numru mill-awtur (“BĊE/2015/13”), jiġu ppubbli­kati b’numerazzjoni doppja (ara t-Taqsima 1.2.2, “Numerazzjoni doppja” ).

(c) Direttivi

F’din is-subintestatura nsibu ċerti direttivi tal-Kunsill (direttivi bbażati direttament fuq it-Trattati u direttivi ta’ implimentazzjoni) u direttivi tal-Kummissjoni (direttivi bbażati direttament fuq it-Trattati u direttivi delegati u ta’ implimentazzjoni):

(d) Deċiżjonijiet

Din is-subintestatura tkopri:

• deċiżjonijiet tar-Rappreżentanti tal-Gvernijiet tal-Istati Membri, deċiżjonijiet tal-Kunsill u r-Rappreżentanti tal-Gvernijiet tal-Istati Membri u deċiżjonijiet meħuda bi ftehim komuni bejn ir-Rappreżentanti tal-Gvernijiet tal-Istati Membri:

  Id-Deċiżjoni (UE, Euratom) 2015/578 tar-Rappreżentanti tal-Gvernijiet tal-Istati Membri

• ċerti deċiżjonijiet tal-Parlament Ewropew:

  Id-Deċiżjoni (UE) 2015/1614 tal-Parlament Ewropew

• deċiżjonijiet tal-Kunsill Ewropew:

  Id-Deċiżjoni tal-Kunsill Ewropew (UE) 2018/509

• ċerti deċiżjonijiet tal-Parlament Ewropew u tal-Kunsill:

  Id-Deċiżjoni (UE) 2015/468 tal-Parlament Ewropew u tal-Kunsill

• ċerti deċiżjonijiet tal-Kunsill (deċiżjonijiet ibbażati direttament fuq it-Trattati, li jinkludu d-deċiżjonijiet tal-PESK, u d-deċiżjonijiet ta’ implimentazzjoni):

  Id-Deċiżjoni tal-Kunsill (UE) 2015/1025

  Id-Deċiżjoni ta’ Implimentazzjoni tal-Kunsill (UE) 2015/156

  Id-Deċiżjoni tal-Kunsill (PESK) 2015/76

• Deċiżjonijiet tal-Kummissjoni (deċiżjonijiet ibbażati direttament fuq it-Trattati, deċiżjonijiet delegati u ta’ implimentazzjoni):

  Id-Deċiżjoni tal-Kummissjoni (UE) 2015/119

  Id-Deċiżjoni Delegata tal-Kummissjoni (UE) 2015/1602

  Id-Deċiżjoni ta’ Implimentazzojni tal-Kummissjoni (UE) 2015/103

• Deċiżjonijiet tal-Bank Ċentrali Ewropew:

  Id-Deċiżjoni (UE) 2015/299 tal-Bank Ċentrali Ewropew […] (BĊE/2015/5)

  Deċiżjonijiet tal-BĊE, li jkun diġà ngħatalhom numru mill-awtur (“BĊE/2015/5”), jiġu ppubblikati b’numerazzjoni doppja (ara t-Taqsima 1.2.2, “Numerazzjoni doppja”).

(e) Rakkomandazzjonijiet

F’din is-subintestatura nsibu rakkomandazzjonijiet tal-Kunsill skont l-Artikoli 121, 126, 140 u 292 tat-Trattat dwar il-Funzjonament tal-Unjoni Ewropea, ir-rakkomandazzjonijiet tal-Kummissjoni (l-Artikolu 292) u r-rakkomandazzjonijiet tal-Bank Ċentrali Ewropew (l-Artikolu 292):

Rakkomandazzjonijiet tal-BĊE, li jkun diġà ngħatalhom numru mill-awtur, jiġu ppubblikati b’numerazzjoni doppja (ara t-Taqsima 1.2.2, “Numerazzjoni doppja”)

Rakkomandazzjonijiet oħra jiġu ppubblikati fis-serje C.

(f) Linji gwida

F’din is-subintestatura nsibu linji gwida tal-Bank Ċentrali Ewropew. Dawn l-atti, li jkun diġà ngħatalhom numru mill-awtur (“BĊE/2015/20”), jiġu ppubblikati b’numerazzjoni doppja (ara t-Taqsima 1.2.2, “Numerazzjoni doppja”):

(g) Regoli ta’ proċedura

Dan jikkonċerna r-regoli ta’ proċedura tal-istituzzjonijiet u l-korpi; ir-regoli ta’ proċedura tal-uffiċċji u l-aġenziji li jiġu ppubblikati fis-serje C. Ir-regoli ta' proċedura jingħataw numru fl-aħħar tat-titolu, bejn parentesijiet kwadri:

Jekk ir-regoli ta’ proċedura jiġu annessi ma’ xi att, dawn jiġu kklassifikati taħt l-istess intestatura tal-att u ma jingħatawx numru:

(h) Atti adottati minn korpi stabbiliti permezz ta’ ftehimiet internazzjonali

F’din is-subintestatura nsibu d-deċiżjonijiet tal-korpi stabbiliti permezz ta’ ftehimiet internazzjonali, kif ukoll ir-regolamenti tal-Kummissjoni Ekonomika għall-Ewropa tan-Nazzjonijiet Uniti (NU/KEE). Dawn l-atti għandhom numerazzjoni doppja (ara wkoll t-Taqsima 1.2.2, “Numerazzjoni doppja”).

(i) Ftehimiet interistituzzjonali

Ftehimiet interistituzzjonali jirregolaw ċertu aspetti tal-konsultazzjoni u l-kooperazzjoni bejn l-istituzzjonijiet tal-UE u huma l-prodott ta’ konsensus bejniethom — jiġifieri jikkostitwixxu forma ta’ regoli konġunti ta’proċedura.

L-istituzzjonijiet jiddeċiedu jekk jippubblikawx dawn il-ftehimiet fis-serje L jew fis-serje C skont il-kuntest, l-ambitu u l-effetti tagħhom.

Iż-Żona Ekonomika Ewropea

F'din is-subintestatura nsibu:

• deċiżjonijiet adottati fil-qafas taż-Żona Ekonomika Ewropea (ŻEE):

  Id-Deċiżjoni tal-Kumitat Konġunt taż-ŻEE Nru 159/2014 […] [2015/94]

• atti adottati fil-qafas tal-Assoċjazzjoni Ewropea tal-Kummerċ Ħieles (EFTA):

  Id-Deċiżjoni tal-Awtorità ta’ Sorveljanza tal-EFTA Nru 226/17/COL […] [2018/564]

  Id-Deċiżjoni tal-Kumitat Permanenti tal-Istati tal-EFTA Nru 2/2015/SC […] [2015/2024]

• Regoli ta’ proċedura tal-Qorti tal-EFTA.

Dawn l-atti, bl-eċċezzjoni tar-regoli ta’ proċedura tal-Qorti tal-EFTA, għandhom numerazzjoni doppja (ara wkoll t-Taqsima 1.2.2, “Numerazzjoni doppja”).

Fl-atti li joriġinaw mill-Assoċjazzjoni Ewropea tal-Kummerċ Ħieles (EFTA), is-sena msemmija fin-numru tal-att ikun fiha biss żewġ ċifri: 226/17/COL (“COL” tirreferi għall-Kulleġġ tal-Awtorità ta’ Sorveljanza).