3.2.4. Ir-referenzi għall-emendi ta' att

Huwa mifhum li l-atti msemmija fit-testi fil-Ġurnal Uffiċjali huma l-atti fil-verżjoni fis-seħħ tagħhom, għalhekk in-noti f’qiegħ il-paġna jinkludu biss ir-referenza tal-ĠU tal-verżjoni inizjali tagħhom u ma jsemmux modifiki li saru aktar tard.

Fil-Ġurnal Uffiċjali, in-noti ta’ qiegħ il-paġna ma għadhomx jinkludu l-aħħar modifiki ta’ att, imma huma limitati biss għar-referenza għall-ĠU tal-att fil-verżjoni inizjali tagħha. L-atti msemmija fit-testi ppubblikati fil-ĠU għandhom jinftiehmu bħala l-atti fil-verżjoni tagħhom fis-seħħ. Il-frażijiet “kif emendat (l-aħħar) bi”, “ikkoreġut bi” u “imħassar bi” ma għadhomx jintużaw aktar.

Xi kultant, madankollu, l-awtur ikun irid jirreferi għal test speċifiku kif ikun jidher f’data speċifika jew ikun irid jagħmel enfasi fuq xi att emendatorju partikolari. F’dan il-każ, l-att emendatorju jiġi ċċitat bħala “referenza statika” fil-forma qasira tiegħu u b’referenza għal nota ta’ qiegħ il-paġna jekk ikun iċċitat għall-ewwel darba: