5.3.2. Informazzjoni dwar il-prodott tal-karta stampata

Kwalunkwe prodott tal-karta stampata għandu fil-prinċipju jinkludi l-isem tal-istampatur u l-pajjiż tal-istampar, l-ekotikketta/i applikabbli u possibbilment nota relatata mal-karta użata.

Kull prodott tal-karta stampata fil-prinċipju jrid jinkludi l-informazzjoni li ġejja, imdaħħla mill-istampatur:

  • isem l-istampatur u l-pajjiż fejn isir l-istampar,
  • l-ekotikketta/i applikabbli,
  • possibbilment nota dwar il-karta użata.

Isem l-istampatur u l-pajjiż fejn isir l-istampar

In-nota dwar isem l-istampatur u l-pajjiż fejn isir l-istampar tiġi ppreżentata b’mod identiku fil-verżjonijiet lingwistiċi kollha, bl-Ingliż u bil-korsiv:

Printed by [stampatur] in [pajjiż]

Ekotikketta

Tiżdied informazzjoni dwar il-prodott tal-karta stampata fil-forma ta’ ekotikketta waħda jew iktar, pereżempju:


Eżempju ta’ ekotikketta


Eżempju ta’ ekotikketta

Nota dwar il-karta użata

Tista’ tiżdied nota dwar il-karta użata, f’forma minn dawn li ġejjin:

  • karta ġdida:

    Stampat fuq karta bajda ħielsa mill-klorur elementari (ECF)

    Stampat fuq karta bajda ħielsa kompletamentmill-klorur elementari (TCF)

  • karta riċiklata:

    Stampat fuq karta riċiklata

    Stampat fuq karta riċiklata ħielsa mill-klorur (PCF)

Fil-każ ta’ karta riċiklata, qatt ma tista’ tintuża l-formula “bajda bla klorur”. Fil-fatt, huwa impossibbli li tiġi rintraċċata l-oriġini tal-karta kollha użata fil-proċess tar-riċiklaġġ (u allura tkun tista’ tingħata garanzija tan-nuqqas totali ta’ klorur). Fil-verità, huwa l-proċess tar-riċiklaġġ li jista’ jitwettaq bla klorur.