5.9.4. Ir-referenzi bibljografiċi

Referenza għal xogħol sħiħ

Jeħtieġ li tintuża l-ordni tal-elementi li ġejja, mifrudin b’virgoli:

1. l-awtur jew l-editur (ir-rwol tal-editur huwa indikat permezz ta’ “(ed.)” jew “(edi)”):
   • awtur korporattiv u/jew
   • il-kunjom u l-inizjal(i) jew isem l-awtur;
2. it-titolu tax-xogħol bil-korsiv u, fejn japplika, in-numru tal-edizzjoni;
3. il-pubblikatur, il-post tal-pubblikazzjoni (fakultattiv), is-sena tal-pubblikazzjoni, eċċ.;
4. jekk ikun disponibbli, identifikatur persistenti fl-għamla ta’ identifikatur tar-riżors uniformi (URI), pereżempju DOI:

Referenza għal parti minn xogħol (kontribuzzjoni jew kapitolu)

Jeħtieġ li tintuża l-ordni tal-elementi li ġejja, mifrudin b’virgoli:

1. l-awtur:
   • awtur korporattiv u/jew
   • il-kunjom u l-inizjal(i) jew isem l-awtur;
2. it-titlu tal-kontribuzzjoni jew il-kapitolu, fil-virgoletti;
3. l-editur tax-xogħol, preċedut minn “fi:” u segwit minn “(ed.)” (jew “(edi)”);
4. it-titolu tax-xogħol bil-korsiv u, fejn japplika, in-numru tal-edizzjoni;
5. il-pubblikatur, il-post tal-pubblikazzjoni (fakultattiv), is-sena tal-pubblikazzjoni, il-paġna/i rilevanti, eċċ.;
6. jekk ikun disponibbli, identifikatur persistenti fl-għamla ta’ URI, pereżempju DOI:

Referenza għal pubblikazzjoni serjali jew parti minnha

Jeħtieġ li tintuża l-ordni tal-elementi li ġejja, mifrudin b’virgoli:

1. jekk ikun disponibbli, l-awtur:
   • awtur korporattiv u/jew
   • il-kunjom u l-inizjal(i) jew isem l-awtur;
2. fejn japplika, it-titolu tal-artiklu jew tal-ħarġa sħiħa, fil-virgoletti;
3. it-titolu tal-pubblikazzjoni serjali bil-korsiv;
4. l-għadd jew id-data;
5. il-pubblikatur (fakultattiv), il-post tal-pubblikazzjoni (fakultattiv), is-sena tal-pubblikazzjoni, paġna/i relevanti, eċċ.;
6. jekk ikun disponibbli, identifikatur persistenti fl-għamla ta’ URI, pereżempju DOI:

Referenza għal letteratura griża (dokumenti ta’ ħidma, rapporti, minuti ta’ laqgħat, eċċ.)

Jeħtieġ li tintuża l-ordni tal-elementi li ġejja, mifrudin b’virgoli:

1. awtur:
   • awtur korporattiv u
   • fejn japplika, il-kunjom u l-inizjal(i) jew isem l-awtur;
2. it-titolu tad-dokument, fil-virgoletti;
3. in-numru tad-dokument / referenza tar-reġistru;
4. id-data tad-dokument;
5. jekk ikun disponibbli, indirizz tal-URI/URL:

Referenza għal sett tad‑data

Jeħtieġ li tintuża l-ordni tal-elementi li ġejja, mifrudin b’virgoli:

1. l-awtur:
   • awtur korporattiv u/jew
   • il-kunjom u l-inizjal(i) jew isem l-awtur;
2. it-titolu tas-sett tad‑data, fil-virgoletti;
3. fejn japplika, in-numru tal-verżjoni/l-edizzjoni;
4. il-pubblikatur, jekk ikun differenti mill-awtur;
5. id-data tal-pubblikazzjoni:
   • id-data ta’ meta nħolqot jew
   • jekk is-sors ġie aġġornat, id-data tal-aġġornament u, fil-parentesi, id-data ta’ meta nħoloq;
6. id-data tal-kwotazzjoni (li tindika d-data li fiha s-sors kien aċċessat);
7. identifikatur persistenti fl-għamla ta’ URI, pereżempju DOI jew identifikatur ieħor persistenti u risolvabbli ġestjonat mill-fornitur tad‑data:

Referenza għal paġna web

Jeħtieġ li tintuża l-ordni tal-elementi li ġejja, mifrudin b’virgoli:

1. l-awtur:
   • awtur korporattiv u/jew
   • il-kunjom u l-inizjal(i) jew isem l-awtur;
2. it-titolu tal-paġna web, fil-virgoletti;
3. it-titolu tas-sit web;
4. jekk tkun disponibbli, id-data tal-pubblikazzjoni:
   • id-data ta’ meta nħolqot jew
   • jekk is-sors ġie aġġornat, id-data tal-aġġornament u, fil-parentesi, id-data ta’ meta nħoloq;
5. id-data tal-kwotazzjoni (li tindika d-data li fiha s-sors kien aċċessat);
6. l-indirizz tal-URI/URL:

Referenza għal messaġġ impostat fuq il-midja soċjali

Jeħtieġ li tintuża l-ordni tal-elementi li ġejja, mifrudin b’virgoli:

1. l-awtur:
   • awtur korporattiv u/jew
   • il-kunjom u l-inizjal(i) jew isem l-awtur;
2. l-identità tal-midja soċjali tal-awtur preċeduta minn isem il-midja soċjali u żewġ punti, fil-parentesi;
3. it-titolu jew il-kontenut (fil-qosor) tal-messaġġ impostat, fil-virgoletti;
4. f’każ ta’ messaġġ li jkun ġie impostat mill-ġdid, l-isem u l-identità tal-midja soċjali tal-awtur oriġinali;
5. id-data tal-pubblikazzjoni;
6. id-data tal-kwotazzjoni (li tindika d-data li fiha s-sors kien aċċessat);
7. l-indirizz tal-URI/URL:

Referenzi fi ħdan it-test

Ir-referenzi fi ħdan it-test jużaw kunjom l-awtur / isem l-awtur korporattiv u s-sena tal-pubblikazzjoni, pereżempju “(Camilleri, 1991)”.

Meta awtur ikollu żewġ pubblikazzjonijiet jew aktar ikkwotati mill-istess sena, is-sena tal-pubblikazzjoni tkun segwita minn ittri żgħar “a”, “b”, “ċ”, eċċ. bla spazju, pereżempju “(Camilleri, 1991a)”.

F’dan il-każ, l-entrati fil-bibljografija jkollhom is-sena fit-tieni pożizzjoni, fil-parentesi, u mhux fil-pożizzjoni tal-aħħar jew ta’ qabel tal-aħħar:

Ġenerali

Ir-referenzi għal xogħlijiet ta’ għadd ta’ awturi jikkwotaw l-awturi kollha tax-xogħol meta l-għadd totali tal-awturi (inkluż l-awtur korporattiv) ikun ħamsa jew anqas, jew inkella l-ewwel ħamsa, u “et al.” meta l-għadd totali tal-awturi jkun ta’ aktar minn ħamsa:

Għall-konvenjenza, jintużaw is-soliti abbrevjazzjonijiet: ikomp., p., Vol., eċċ. (ara l-Anness A3). Kull nota ta’ spjegazzjoni bħal mhija l-edizzjoni, il-post tal-pubblikazzjoni, eċċ. għandha titfassal bil-Malti, anke jekk il-pubblikazzjoni hija disponibbli biss b’lingwa oħra.