Dwar is‑sit web
Read about the Interinstitutional Style Guide website and its features.
Dan huwa sit web interistituzzjonali, ġestit mill-Uffiċċju tal-Pubblikazzjonijiet u ospitat fuq il‑Portal OP. Juża wħud mill-funzjonijiet disponibbli fuq il‑portal, b’mod partikolari l‑possibbiltà li tilloggja u żżid allerti. Jippermetti wkoll l‑użu ta’ bookmarks u settings personali.
Is-sit huwa reattiv, jiġifieri jista’ jintuża faċilment fuq tablet jew mowbajl u anke fuq laptop jew desktop. Ara, pereżempju, it‑tabella tal-pajjiżi u t‑territorji fl‑Anness A5.
Is-sit web għandu l‑għan li jkun aċċessibbli u jista’ jintuża b’teknoloġiji ta’ assistenza bħall-qarrejja tal-iskrin. It-titjib tal-aċċessibbiltà tal-kontenut huwa xogħol kontinwu dejjem għaddej.
Bookmarks
“Immaniġġja l‑bookmarks” tiftaħ pannell li juri lista ta’ bookmarks rakkomandati. Illoggja biex tkun tista’ żżid il‑bookmarks tiegħek. Imbagħad tista’ tbiddlilhom isimhom, toħloq folders u tuża l‑faċilità ta’ ddreggja u qiegħed biex tibdel l‑ordni.
Se ssib lista kompluta ta' korrispondenzi bejn is‑sit web il‑qadim u l‑ġdid fid-dokument “Redirections list”.
Dehra bilingwi
Dehra bilingwi hija possibbli fl‑ewwel tliet partijiet, li huma komuni għall-verżjonijiet lingwistiċi kollha. Mhix possibbli fir-raba’ parti minħabba li l‑kontenut huwa speċifiku għal‑lingwa. L‑annessi huma esklużi wkoll mill-viżwalizzazzjoni bilingwi peress li l‑kontenut tagħhom ivarja minn lingwa għal oħra jew huwa magħżul f’ordni alfabetiku skont il‑lingwa.
Toolbar u settings
Mit-toolbar fuq ix-xellug tista’ ssib faċilment il‑kontenut li qed tfittex permezz tal-werrej, it‑tfittxija u l‑indiċi. Tista’ wkoll issib formati oħra tal-gwida tal-istil.
Fis-settings, tista’ tagħżel li taħbi d‑deskrizzjonijiet tat‑test tat‑toolbar, iċċaqlaq it‑toolbar lejn il‑lemin u tkompli fejn ħallejt l‑aħħar darba li tkun żort is‑sit web. Biex tibdel is‑settings, trid tkun illoggjat.
Fuq tablet jew fuq mowbajl, it‑toolbar dejjem tidher fil-qiegħ.
Allert
Tista’ toħloq allerti mill-paġna tal-aħbarijiet tas-sit web, li tinnotifikak kuljum jew kull ġimgħa dwar modifiki jew aħbarijiet oħra.
Verżjonijiet PDF
Mit-toolbar, tista’ tiftaħ ukoll il‑PDF li jinħoloq kull darba li s‑sit web jiġi aġġornat. Tista’ tikkonsultah online, fejn se jiftaħ fuq il‑paġna li tkun qed tara fil-brawżer dak il‑ħin. Tista’ wkoll tiddawnlowdjah direttament.
Madwar darba fis-sena jew wara aġġornamenti maġġuri tinħoloq verżjoni PDF li tkun tajba biex tiġi pprintjata. Din il‑verżjoni jkollha identifikaturi sħaħ u tista’ tordnaha mill-Pubblikazzjonijiet tal-UE, fil-paġna li tasal għaliha permezz ta’ “Ordna kopja” fit-toolbar.
Kont tal-utent
Meta tilloggja fis-sit, tkun qed tilloggja fil-Portal tal-OP. Dan jispjega għaliex tingħata l‑għażla li tuża l‑EU Login jew kont tal-Portal tal-OP apposta. Wara li tilloggja, jidher ismek u tkun tista’ tara d‑dettalji tal-kont, il‑listi tal-profili u l‑allerti li huma validi fuq il‑Portal tal-OP kif ukoll fuq is‑sit web tal-gwida tal-istil.