Anness B – Kliem magħqud jew mifrud

Afli wiċċek tost wisq, biex qed terġa’ titlobni dak li ma ħaqqekx!

L-ewwel elfejn ewro li qalgħu poġġewhom il‑bank akkrettu tiegħek.

Imma allaħares ma jaslux il‑passaporti … Kif nistgħu nsiefru mingħajrhom?

Din mhix kumbinazzjoni; din għamilhieli apposta biex jinkini.

Xtrajna żebgħa apposta li l‑ħażiż ma jaqbadx magħha.

Waqt il‑logħba xejjirlu daqqa ta’ sieq t’apposta.

Jissejjaħ delitt doluż meta r‑reat ikun twettaq għal t’apposta u b’malizzja.

Kienet kumbinazzjoni; ma ngħidx li kixfuh għal tal-apposta.

Kristu talab awlillejl qabel ma bata.

Jgħidu x’jgħidu, biħsiebi mmur illum stess.

Fil-btajjel tas-sajf beħsiebhom jerħulha lejn l‑Alaska.

Bħalissa ma nistax niftakar x’jismu z-ziju tal-mara.

Bħallikieku jekk jogħla ż-żejt mhux kulħadd se jlaqqatha!

Oqgħod attent minnha, għax taf tiksrek bħalkieku xejn.

Bħalma lkoll tafu, wasalna biex intemmu ħidmitna.

Bilfors li ma ftehemniex.

Dan dmirek u trid tagħmlu ta’ bilfors.

Malli lemaħni telaqhom u ġie bilġri ħdejja.

Bilħaqq, għax kont sa ninsa, inti taf li llejla għandna laqgħa, hux?

Bilkemm laħaq daħal li ma bediex jargumenta.

Ħafna mis-serq isir billejl biex id‑dalma tostor kollox.

Mhux rispett li meta jidħol is‑surmast fil-kamra tibqa’ bilqiegħda.

Meta jindaqq l‑Innu Malti nqumu bilwieqfa.

Nippreferi naħdem billejl milli binhar.

Issa biżżejjed għax ħadtli rasi!

Qed nipprova nispiċċa xogħli dalgħodu, imma fil-każ inkompli llejla.

Stennieni ftit; dalwaqt/daqt inkun miegħek.

Mela nsejt x’kont għedtlek dakinhar?

Daparti tiegħi, qatt ma nqastu f’xejn, imma ħaddieħor ma nafx.

Mhuwiex daqshekk importanti li timla din il‑formola.

Għal daqshekk għamilt qorti?

Minn daqshekk, ma nistax ingerger minnha.

Qed inħossni stordut daqskemm għandi ġuħ!

Dalwaqt ninstabat mal‑art daqskemm qed inħossni għajjien.

Il-ġolf refa’ l‑karettun b’id waħda, daqslikieku kien banketta.

Ma kienx hemm daqstant nies fit-teatru.

Issa la ħabrikna daqstant, se naqtgħu qalbna fl‑aħħar?

Rajt daqsxejn ta’ tifel jibki.

Ħbieb, daqsxejn oħra u naslu.

Tfixkel fit-tapit u għal daqsxejn ma ħadhiex għal wiċċu.

Hu u ġej bil-ġirja, żelaq, dar dawramejt u spiċċa wiċċu ġol-ħajt.

Dażgur li għandha l‑garanzija dil-magna tal-ħasil.

Filgħaxija taqa’ s‑sirda.

Kull flgħaxija ommi tħobb tmur timxi mixja minn Selmun sal-Mellieħa.

Naħdem billejl, u filgħodu nsibha bi tqila biex inqum mis-sodda.

Toni jħobb l‑isfar, filwaqt li ħuh iħobb l‑aħmar.

Ġaladarba qed toġġezzjona, ikollna nwaqqfu l‑proġett.

Tal-gass ġieli jiġi fid-disgħa ta’ filgħodu, u ġieli fil-ħdax.

Għaldaqstant qed niktbulek biex nitolbuk appuntament.

Għalfejn qed tkellimni hekk?

Għandi l‑karozza bil-ħsara, għalhekk ix-xogħol qed immur b’tal-linja.

Għalissa ma nistax immur narah.

Għalkemm tilef ħafna lezzjonijiet, xorta għadda mill-eżami.

Issa qtajt qalbi għalkollox.

Begħna d‑dar tal-Mosta u ġejna noqogħdu Wied il‑Għajn għalkollox.

Jgħidu li l‑qasba ma ċċaqċaqx għalxejn.

X’għarukaża! Ara ftit fejn mar jixħetha l‑borża taż-żibel!

Ersaq ’l hawn u poġġi hawnhekk.

Hawnhekk iltqajna ma’ għawġ ieħor.

L-imħallef widdbu biex ma jersaqx ’l hemmhekk.

Sewwa qed tgħid, infatti jien dan għaddejt minnu.

Wara żmien twil tinħema fil-privat, id‑deċiżjoni tħabbret lill-pubbliku inġenerali.

Meta niġi biex niġġudika, dawn il‑fatturi serji jkolli noħodhom inkonsiderazzjoni.

Inkwantu għalina tinkwetax, għax aħna nafu nfendu għal rasna.

Kellna ħafna każi ta’ korruzzjoni, imma l‑każ inkwistjoni huwa l‑agħar wieħed sa issa.

L-ikla insè ma kienet tgħid xejn, imma xorta ħadna pjaċir bil-kumpannija.

Suppost ġew jgħinuna kmieni. Intant, ħalli nkomplu bix-xogħol.

Nixtiqilkom kull ġid; jalla jkollkom ħajja hienja flimkien.

Din kwistjoni kemxejn delikata.

Dan l‑artiklu kemxejn itwal minn tal-bieraħ.

Kulħadd iħobb ftit tal-mistrieħ wara ġurnata xogħol.

Imur jara lil ommu kuljum.

Din it‑triq ngħaddi minnha kuljum għax-xogħol.

Fittixtu kullimkien, u ma sibtu mkien.

Mhux kulma jleqq deheb.

Jien hawn kuntent, imma kultant tiġini x‑xewqa tas-safar.

Xi kultant jagħtini li mmur inkellmu.

Ladarba noħroġ mill-ħabs, se nibdel ħajti.

Mhux lakemm tgħidlu li għandu żball.

Jien la rrid din u lanqas l‑oħra.

Lanqas ħaqq li tajtni qatgħa bħal din.

Għall-anqas ma kissrulix il‑fanali tal-karozza wkoll!

Mindu widdibtu, lili qed ifittixni mill-anqas.

Dan l‑eżerċiizzju trid tagħmlu mill-anqas erba’ jew ħames darbiet kuljum.

Tal-anqas ma qabadx miegħi l‑prinċipal ukoll!

Infaqna ħafna flus imma tal-anqas ir‑riżultati issa jidhru.

Ilbieraħ ġrat diżgrazzja li se nibqgħu niftakruha.

Bħall-bieraħ ġimgħa għamlet dik il‑maltempata kbira.

Dan kif mill-bieraħ sal-lum dawwart il‑ħsieb?

Il-ftehim tal-bieraħ kien pass importanti lejn il‑liberalizzazzjoni tal-midja.

Ilbieraħ kien il‑Ħadd u lbiraħtlula s‑Sibt.

Mill-biraħtlula għaddew jumejn u għadek ma qdejtnix.

Sal-biraħtlula konna rċevejna aktar minn mitt applikazzjoni.

Illaħwa, x’ħuta qbadt!

Xi llaħwa qed tgħid illum?

Illejla niltaqgħu fit-tmienja ħdejn Bieb il‑Belt.

Illum nagħlaq snini.

Illum ma trid tistagħġeb b’xejn.

L-ittra bgħatthielu llum u jirċeviha għada.

Se naqilbu l‑folja u mil-lum ’il quddiem m’intix se tara ċenteżmu ieħor mingħandi.

Il-pakkett ilu ħmistax li ntbagħat imma sal-lum għadu ma wasallix.

Iż-żgħażagħ tal-lum għandhom wisq iktar xi jtellifhom minn ta’ dari.

Min ġej ’il quddiem u min sejjer lura.

Jgħidu li jħobbuh; madankollu, ħadd ma mar jarah.

Eżatt ma nafx, imma ngħidlek li kien hemm madwar tletin ruħ b’kollox.

Mort mixja madwar ir‑raħal.

Joqgħod sewwasew maġenb il‑knisja.

Hekk sewwa! Il-mara taħdem u int manġapassiġġa.

Matul il‑lejl għamlet ħafna xita.

Minbarra l‑impjieg, trid tlaħħaq ukoll max-xogħol tad-dar.

Minflok ma jgħinna, dejjem insibuh itellifna.

Għandu tort, u minfuq irid jieħu tiegħu.

Mingħajr flus ma tagħmel xejn.

Jien kien mingħalija li inti kont taf b’kollox.

Il-bolol jinxtraw mingħand tal-gazzetti.

Kif kont hemm, xtrajt kollox mingħandu.

Tħallix żmien iktar, itlaq minnufih.

Imnalla ġibtuh intom l‑inbid.

F’nofsillejl ftaħna x‑xampanja u xtaqna s‑sena t‑tajba lil xulxin.

F’nofsinhar kulħadd jieqaf mix-xogħol għall-ikel.

F’nofsinhar bumm konna nduru madwar il‑mejda b’regolarità militari.

Wara nofsinhar id‑dell jibda jitwal.

Ħarġet mal‑ħbieb, u missierha mar jiġborha fin-nofsiegħa ta’ filgħodu.

Dam nofstanhar jilgħab mal‑karozza.

Fis-sajf il‑ħaddiema tal-gvern jaħdmu bin-nofstanhari.

Int, pereżempju, għal xiex ġejt hawn dalgħodu? perkażu

Imma jekk, perkażu, ikunu qed jitkellmu bejniethom, ma għandekx tindaħal.

Mindu dak il‑pezzakustjoni daħal jaħdem magħna, spiċċaw il‑paċi u l‑għaqda ta’ bejnietna.

Qabelxejn, nirringrazzja lil ommi għax kienet hi li xettlet fija l‑imħabba lejn l‑arti.

Fis-sittinijiet, il‑palk sab żvog ġdid fir-radjudramm minn fuq ir‑Rediffusion.

Sadanittant, in‑naħa l‑oħra tal-Belt kienet qed isseħħ storja tinkiteb.

Safrattant dak li ried jagħmel, xorta għamlu.

Beħsiebni niġi, sakemm ma jinqala’ xejn.

Sakemm wasal sidu, il‑qattus laħaq għamel straġi fil-kċina.

Jinżel ikaxkar saqajh mat-triq, bis-santafjakka.

Is-santapaċenzja, kif qridtni!

Il-logħob se jibda sewwasew issa.

Dak skansafaċendi; torbotx fuqu.

Jisgħobbija li ma nistax niġi miegħek illum.

Imxi sewwa ma’ ta’ taħtek, biex ma jisgħobbikx minn għemilek.

Miskin il‑fqir għax ibati l‑ġuħ, min ikun stabene lanqas jinduna bl‑għoli tal-ħajja.

Għandu karattru tabilħaqq skifuż.

Tabilħaqq, għandek raġun.

Għaddiet minn quddiemi, iżda għamilt tabirruħi li ma rajthiex.

Oħtok u ħija tampar xulxin.

Il-mamà tiegħu tampari.

Taparsi mhux qed nisma’ dak li qed tgħid fuqi.

Dun Karm kiteb poeżiji tassew sbieħ.

Tkun xi tkun il‑kwalità artistika tiegħu, it‑teledramm bil-Malti dejjem popolari.

Id-dar tal-ulied, imma l‑ġenituri għandhom l‑użufrutt tagħha.

Il-waranofsinhar it‑tajjeb.

Għaddejt il‑waranofsinhar kollu naqra u issa għandi moħħi mixrub.

Xħin daħlu, marru jorqdu minnufih.

Xħin tasal, ċempel il‑qanpiena.

Issa żżejjed! Wissejtek kemm-il darba u se jkolli nirrappurtak.