Avviż legali

L-informazzjoni f’dan is-sit web hija suġġetta għal rinunzja, avviż dwar id‑drittijiet tal‑awtur u r‑regoli relatati mal‑protezzjoni tad‑data personali.

Rinunzja

L-Uffiċċju tal‑Pubblikazzjonijiet iżomm din il‑websajt għal dawk kollha involuti fil‑produzzjoni ta’ testi għall‑istituzzjonijiet, il‑korpi, l‑uffiċċji u l‑aġenziji tal‑Unjoni Ewropea. L‑għan tagħna hu li nżommu din l‑informazzjoni aġġoranta u preċiża. Jekk jiġu indikati żbalji, nippruvaw nikkoreġuhom. Madanakollu, l‑Uffiċċju tal‑Pubblikazzjonijiet ma jaċċetta ebda responsabbiltà fir‑rigward tal‑informazzjoni fuq dan is‑sit.

Avviż dwar id‑drittijiet tal‑awtur

Il-Gwida tal‑istil interistituzzjonali tista’ terġa’ tintuża mingħajr ebda ħlas jew liċenzja bil‑miktub għal finijiet kummerċjali u mhux kummerċjali sakemm is‑sors jiġi rikonoxxut u skont il‑kundizzjonijiet li ġejjin:

Meta l‑użu mill‑ġdid jinvolvi traduzzjoni ta’ Il‑Gwida tal‑istil interistituzzjonali jew partijiet minnha f’lingwi oħra minbarra l‑edizzjonijiet lingwistiċi ppubblikati uffiċjalment mill‑Uffiċċju tal‑Pubblikazzjonijiet, jew jinvolvi modifiki lid‑dejta jew lit‑test, dan għandu jiġi ddikjarat b’mod ċar lill‑utent aħħari tal‑informazzjoni. Għandha tiddaħħal rinunzja dwar in‑nuqqas ta’ responsabbiltà tal‑Uffiċċju tal‑Pubblikazzjonijiet.
Il-logos u t‑trademarks kollha huma esklużi mill‑permess ġenerali msemmi hawn fuq.

Il‑politika tal‑użu mill‑ġdid tad‑dokumenti tal‑Kummissjoni Ewropea hija bbażata fuq id‑Deċiżjoni tal‑Kummissjoni 2011/833/UE tat‑12 ta’ Diċembru 2011 dwar l‑użu mill‑ġdid ta’ dokumenti tal‑Kummissjoni (ĠU L 330, 14.12.2011, p. 39).

Għall-kwistjonijiet kollha marbuta mad‑drittijiet tal‑awtur ta’ Il‑Gwida tal‑istil interistituzzjonali, ikkuntattja lil:

Publications Office of the European Union (L‑Uffiċċju tal‑Pubblikazzjonijiet tal‑Unjoni Ewropea)
Copyright and Legal Issues Section
20, rue de Reims
L-2417 Luxembourg
LUXEMBOURG
E-mail: op-copyright@publications.europa.eu

Il‑protezzjoni tad‑data personali tiegħek

Din l‑istqarrija ta’ privatezza tipprovdi informazzjoni dwar l‑ipproċessar u l‑protezzjoni tad‑data personali tiegħek.

Operazzjoni ta’ proċessar: Is‑sit web tal‑Gwida tal‑Istil Interistituzzjonali

Kontrollur tad‑Data: l‑Uffiċċju tal‑Pubblikazzjonijiet tal‑Unjoni Ewropea, l‑unità A.1 “Servizzi ta’ Standardizzazzjoni tad‑Data u tal‑Format”

Referenza tar‑rekord: DPR-EC-02106

Werrej

1. Introduzzjoni

Il-Kummissjoni Ewropea (minn hawn ’il quddiem “il‑Kummissjoni”) hi impenjata li tipproteġi d‑data personali tiegħek u li tirrispetta l‑privatezza tiegħek. Il‑Kummissjoni tiġbor u tipproċessa aktar id‑data personali skont ir‑Regolament (UE) 2018/1725 tal‑Parlament Ewropew u tal‑Kunsill tat‑23 ta’ Ottubru 2018 dwar il‑protezzjoni ta’ persuni fiżiċi fir‑rigward tal‑ipproċessar ta’ data personali mill‑istituzzjonijiet, korpi, uffiċċji u aġenziji tal‑Unjoni u dwar il‑moviment liberu ta’ tali data.

Din l‑istqarrija ta’ privatezza tispjega għaliex nipproċessaw id‑data personali tiegħek, il‑mod kif niġbru u nittrattaw id‑data personali kollha li tiġi pprovduta kif ukoll kif niżguraw il‑protezzjoni tagħha, kif tintuża dik l‑informazzjoni, u xi drittijiet għandek b’rabta mad-data personali tiegħek. Din tispeċifika wkoll id‑dettalji ta’ kuntatt tal‑Kontrollur tad-Data responsabbli li miegħu tista’ teżerċita d‑drittijiet tiegħek, l‑Uffiċjal tal-Protezzjoni tad-Data u l‑Kontrollur Ewropew għall-Protezzjoni tad-Data.

L-informazzjoni relatata mal-ipproċessar tas‑sit web tal-Gwida tal-Istil Interistituzzjonali imwettaq mill-unità A.1 “Servizzi ta’ Standardizzazzjoni tad‑Data u tal-Format” tal-Uffiċċju tal-Pubblikazzjonijiet tal-Unjoni Ewropea hi ppreżentata hawn taħt.

2. Għaliex u kif nipproċessaw id-data personali tiegħek?

Finijiet tal-operazzjoni ta’ proċessar: L-unità A.1 “Servizzi ta’ Standardizzazzjoni tad-Data u tal-Format” tal-Uffiċċju tal-Pubblikazzjonijiet tiġbor u tuża l-informazzjoni personali tiegħek biex twieġeb xi mistoqsija jew kumment li inti tibagħtilha billi tikkuntattja lit-tim tal-Gwida tal-Istil Interistituzzjonali fuq l‑indirizzi elettroniċi ta’ kuntatt ipprovduti.

Barra minn hekk, jekk tirreġistra biex tirċievi l-bullettin tal-Gwida tal-Istil Interistituzzjonali, l-indirizz elettroniku tiegħek jinħażen għal dan l-għan.

Id-data personali tiegħek mhix se tintuża għal teħid ta’ deċiżjonijiet awtomatizzati inkluż it‑tfassil ta’ profili.

3. Fuq liema bażi(jiet) ġuridika/ġuridiċi nipproċessaw id-data personali tiegħek?

Nipproċessaw id-data personali tiegħek, għaliex:

l-ipproċessar ikun meħtieġ għat-twettiq ta’ kompitu li jsir fl‑interess pubbliku jew fl‑eżerċitar ta’ awtorità uffiċjali mogħtija lill-istituzzjoni jew lill-korp tal-Unjoni;
meta tibgħat il-messaġġ tiegħek, inti tagħti l-kunsens għall-ipproċessar tad-data personali tiegħek bil-fini li tingħata tweġiba għall-mistoqsija tiegħek.

Bażi ġuridika addizzjonali:

Id-Deċiżjoni tal-Parlament Ewropew, tal-Kunsill Ewropew, tal-Kunsill, tal-Kummissjoni, tal-Qorti tal-Ġustizzja tal-Unjoni Ewropea, tal-Qorti tal-Awdituri, tal-Kumitat Ekonomiku u Soċjali Ewropew u tal-Kumitat tar-Reġjuni 2009/496/KE, Euratom tas- 26 ta’ Ġunju 2009 dwar l‑organizzazzjoni u l‑funzjonament tal-Uffiċċju tal-Pubblikazzjonijiet tal-Unjoni Ewropea, speċjalment l‑Artikolu 5(1)(b) tiegħu.

4. Liema data personali niġbru u nipproċessaw aktar?

L-unità A.1 “Servizzi ta’ Standardizzazzjoni tad-Data u tal-Format” tal-Uffiċċju tal-Pubblikazzjonijiet tiġbor il-kategoriji ta’ data personali li ġejjin:

Mistoqsijiet/kummenti mibgħuta mill-utenti:

l-indirizz elettroniku tiegħek,
ismek u kunjomok, jekk tindikahom bl-indirizz elettroniku tiegħek,
kwalunkwe data personali oħra li jista’ jkun li tipprovdi fil-messaġġ tiegħek.

Abbonament għall-bullettin:

l-indirizz elettroniku tiegħek.

L-għoti tal-indirizz elettroniku tiegħek biss huwa obbligatorju meta tikkuntattja lit-tim tal-Gwida tal-Istil Interistituzzjonali.

Barra minn hekk, meta tuża l-paġna tal-Gwida tal-Istil tista’ toħloq profil tal-utent u tissejvja l-preferenzi tal-wiri tiegħek, li jinħażnu fuq il-Portal OP (ara wkoll id-dikjarazzjoni ta’ privatezza tal-Portal OP). Għal dan l-għan, l-Uffiċċju tal-Pubblikazzjonijiet jiġbor il-kategoriji ta’ data personali li ġejjin:

l-indirizz elettroniku tiegħek,
kwalunkwe preferenza oħra li tista’ tissettja (eż. il-lingwa tal-wiri).

5. Għal kemm żmien inżommuha d-data personali tiegħek?

L-unità A.1, “Servizzi ta’ Standardizzazzjoni tad-Data u tal-Format” tal-Uffiċċju tal-Pubblikazzjonijiet iżżomm biss id-data personali tiegħek sakemm twieġeb il-mistoqsija tiegħek, jiġifieri għal massimu ta’ 6 xhur. Għall-profil tal-utent tiegħek, id-data titħassar wara 3 snin ta’ inattività.

6. Kif nipproteġu u nissalvagwardjaw id-data personali tiegħek?

Id-data personali kollha f’format elettroniku (emails, dokumenti, bażijiet tad-data, lottijiet applowdjati ta’ data, eċċ.) jinħażnu fuq is-servers tal-Kummissjoni. L‑operazzjonijiet ta’ proċessar kollha jitwettqu skont id-Deċiżjoni tal-Kummissjoni (UE, Euratom) 2017/46 tal-10 ta' Jannar 2017 dwar is-sigurtà tas-sistemi ta’ komunikazzjoni u informazzjoni fil-Kummissjoni Ewropea.

Sabiex tipproteġi d-data personali tiegħek, il‑Kummissjoni daħħlet fis-seħħ numru ta’ miżuri tekniċi u organizzattivi. Il‑miżuri tekniċi jinkludu azzjonijiet xierqa biex jindirizzaw is-sigurtà online, ir-riskju ta’ telf tad-data, it-tibdil tad-data jew l‑aċċess mhux awtorizzat, filwaqt li jitqies ir-riskju ppreżentat mill-ipproċessar u n-natura tad-data personali li tkun qed tiġi pproċessata. Il‑miżuri organizzattivi jinkludu r-restrizzjoni tal-aċċess għad-data personali għal persuni awtorizzati biss bi ħtieġa leġittima ta’ tagħrif għall-finijiet ta’ din l‑operazzjoni ta’ proċessar.

7. Min għandu aċċess għad-data personali tiegħek u lil min tiġi żvelata?

L-aċċess għad-data personali tiegħek hu pprovdut lill-persunal tal-Kummissjoni responsabbli għat-twettiq ta’ din l‑operazzjoni ta’ proċessar u lill-persunal awtorizzat skont il‑prinċipju tal-“ħtieġa ta’ tagħrif”. Tali persunal jirrispetta ftehimiet statutorji, u fejn ikun meħtieġ, ftehimiet addizzjonali ta’ kunfidenzjalità.

8. X’inhuma drittijietek u kif tista’ teżerċitahom?

Inti għandek drittijiet speċifiċi bħala “suġġett tad-data” skont il‑Kapitolu III (l‑Artikoli 14-25) tar-Regolament (UE) 2018/1725, b’mod partikolari d-dritt li taċċessa, tikkoreġi jew tħassar id-data personali tiegħek u d-dritt li tillimita l‑ipproċessar tad-data personali tiegħek. Jekk ikun japplika, għandek ukoll id-dritt li toġġezzjona għall-ipproċessar jew id-dritt għall-portabbiltà tad-data.

Inti tajt il-kunsens tiegħek biex tipprovdi d-data personali tiegħek lill-unità A.1 “Servizzi ta’ Standardizzazzjoni tad-Data u tal-Format” tal-Uffiċċju tal-Pubblikazzjonijiet għal din l‑operazzjoni ta’ pproċessar. Inti tista’ tirtira l‑kunsens tiegħek fi kwalunkwe ħin billi tinnotifika lill-Kontrollur tad-Data. L‑irtirar mhux se jaffettwa l‑legalità tal-ipproċessar imwettaq qabel ma tkun irtirajt il‑kunsens.

Inti tista’ teżerċita d-drittijiet tiegħek billi tikkuntattja lill-Kontrollur tad-Data, jew f’każ ta’ kunflitt lill-Uffiċjal tal-Protezzjoni tad-Data. Jekk hemm bżonn, tista’ tindirizza wkoll lill-Kontrollur Ewropew għall-Protezzjoni tad-Data. L‑informazzjoni ta’ kuntatt tagħhom tinsab taħt l‑Intestatura 9 hawn taħt.

Jekk tixtieq teżerċita d-drittijiet tiegħek fil-kuntest ta’ operazzjoni ta’ proċessar speċifika waħda jew aktar, jekk jogħġbok ipprovdi d-deskrizzjoni tagħhom fit-talba tiegħek (jiġifieri r-referenza/i tar-Rekord tagħhom kif speċifikat fl‑Intestatura 10 hawn taħt).

9. Informazzjoni ta’ kuntatt

Il-Kontrollur tad-Data

Jekk tixtieq teżerċita d-drittijiet tiegħek skont ir-Regolament (UE) 2018/1725, jew jekk għandek xi kummenti, mistoqsijiet jew tħassib, jew jekk tixtieq tressaq ilment rigward il-ġbir u l‑użu tad-data personali tiegħek, jekk jogħġbok ħossok liberu/a li tikkuntattja lill-Kontrollur tad-Data, l‑Uffiċċju tal-Pubblikazzjonijiet tal-Unjoni Ewropea, l‑unità A.1, “Servizzi ta’ Standardizzazzjoni tad-Data u tal-Format”: info@publications.europa.eu.

L-Uffiċjal tal-Protezzjoni tad-Data tal-Kummissjoni

Inti tista’ tikkuntattja lill-Uffiċjal tal-Protezzjoni tad-Data (data-protection-officer@ec.europa.eu) dwar kwistjonijiet marbuta mal-ipproċessar tad-data personali tiegħek skont ir-Regolament (UE) 2018/1725.

Il-Kontrollur Ewropew għall-Protezzjoni tad-Data

Inti għandek id-dritt tirrikorri (jiġifieri tista’ tressaq ilment) għand il‑Kontrollur Ewropew għall-Protezzjoni tad-Data (edps@edps.europa.eu) jekk jidhirlek li nkisru d-drittijiet tiegħek skont ir-Regolament (UE) 2018/1725 b’riżultat tal-ipproċessar tad-data personali mill-Kontrollur tad-Data.

10. Fejn tista’ ssib informazzjoni aktar dettaljata?

L-operazzjonijiet kollha tal-ipproċessar tad-data personali mill-Kummissjoni li jkunu ġew iddokumentati u nnotifikati lill-Uffiċjal tal-Protezzjoni tad-Data jiġu ppubblikati fir-Reġistru tal-Uffiċjal tal-Protezzjoni tad-Data (UPD) tal-Kummissjoni.

Din l-operazzjoni ta’ proċessar speċifika ġiet inkluża fir-reġistru pubbliku tal-UPD bir-referenza tar-rekord li ġejja: DPR-EC-02106.